Biblia Todo Logo
Bib sou entènèt

- Piblisite -




Ɛstɛr 9:18 - BII BILA

18 Kɛ mí Yuifia va Suse-a nda cuungian o paale tɔ́ a leyàándɔlen coo a o paale tɔ́ a lehiɔɔlundɔlen coo. O paale tɔ́ a leŋuɛɛnudɔlen coo, má pɛngi, má siinguu paale len paale kafolen a paale ɲaalelen.

Gade chapit la Kopi




Ɛstɛr 9:18
7 Referans Kwoze  

haliko mi ndáà va kafo kon tosaa vɔsi oo vɔsi, o paangii Adar nin, o paale tɔ́ a lehiɔɔlundɔlen a o paale tɔ́ a leŋuɛɛnundɔlen coo.


O paale tɔ́ a lehiɔɔlundɔlen coo o paangii Adar nin, mí Yuifia va Suse-a cuungian vɛlɛ, má diw vannda kɛmɛ leyáá (300), kɛ a cue ɲɛ-ɲɛ nda le.


Mí Ɛstɛr muli aa: «Màá masaa cɛl-la diom, mì Yuifia co Suse-a tosa siɔdii mɛɛ nda tosa hau yɛ, mà landu poaa tɔ́a Haman-nda o yɔmndo.»


O paale tɔ́ a leyàándɔlen coo o paangii tɔ́ a idiinndɔɛi nin, paangii Adar, sɔɛi masaa ndóò yii tɔŋndo-e ndíì bɛnda le tosanndo ni. Yaamɔaa Yuifia ndáà nɔ o lakɔl maa a va nda tiwba paale len. Kɛ mí o nda ve kɔl too tosan, mí Yuifia nɔla vanaa va nda pɛɛsaa-a.


Ɲinkon-ɲinkon, mí masaa tuɛi mɛɛ kpɛɛ vannda ndáà vi o kobi lebollo Suse nin yɛ.


Mí masaa sɛva o sɛbɛla lan nin maa Yuifia va o kobila yɛ́-yɛ́la va o tàndà kon nin-ndan-nda cuungian nɛɛ pilɛ mà baŋa yoomu ndaa. Te vana-vana ndóò tiŋ nda pɛ a sɔngɔɔ, o va vanaa cɔvaa va le lɛŋnden kpow-va, o va vanaa cɔvaa va o tàndàla lan nin-nda, a del vanaa kan coo, mà diw cuavaa ndaa a laandaa ndaa, mà poondiaa ɲɛm ndan kpow.


Mí Yuifia cuungian o kobila va o tàndàla masaa Sɛrsɛs lan nin-ndan kpow nin le vanaa ndáà yeema le nda dɛnɛ vɔɔndo tosallo-a cɔlɔbaa. Vana-vana tiwba le nda simullo le, kani siòònde taw i va vannda kpow a nda.


Swiv nou:

Piblisite


Piblisite