Ɛstɛr 8:8 - BII BILA

⁸ Niaa pila sɛva dɛnɛ kɛndɛ vana tosal Yuifia, mà hini kɔl-lo. La sɛva sɛbɔɔ o diola nilan, mì la handu pondale kelɛi nii lecoo. Kani sɛbɔɔ sɛvan pɛ o diola masaa, mì pondale ndɔlen le handun lecoo, sɔɛi ken melnun lɛŋ te.»

Ɛstɛr 8:8 Referans Kwoze

Ɛstɛr 1:19

Lelan, te masaa cɛl pɛ, o yii tɔŋ vana nɔla faŋa loo, mò sɛvan o sɛbɛ tɔŋ Pɛrsea a Mɛdea nin, maa Vasti bɛnda lɛ le hunɔɔ masaa Sɛrsɛs o hɔl te, mì nɔm masaa dimi vɛlɛ ndi vakpa maa vanalanɔ celen muungu o fonda Vasti-o, o co fisa a ndu Vasti-o.

Ɛstɛr 3:12

Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

Daniɛl 6:8

Vanaa lebolaa bɛndua, vanaa kialaa n'yamaa, vanaa silaa masaa a masaa n'bungaa cii cɛlan o tɔŋndo pum coo. Lelan, mì nɔm pila handu ba lecoo. Tɔŋ kon co hoo ni: o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, o viawnunnin o soon yàlàá nin.

Ɛstɛr 8:5

Mó dimi aa: «Te masaa cɛl pɛ, mò ce ya ɲia, te o cɛl pɛ sɔɛi ya co ndu dimul-le, te o va pɛ aa dɛnɛ nuu hɛnan ndu, mɛɛ sɛbɛlan la sɛvan, mò tɛɛmbuu sɔɔn va o sɛbɛla Haman, po Hammedata fula kon o polale Akak len nin-ndo ndóò sɛva le Yuifia va o kobila leboltan nin-nda kpow diwvo lan.

1Masaa 21:8

Mí Yesabɛl sɛwviaa sɛbɛlan o diola masaa Akab lan, mó handu pondale lemasalen lecoo, mó yoo kaasoŋaa kɔlkalua a simlacia va o kobi Nabɔt va icali nin-ndo nin-nda sɛbɛla lan.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Ɛstɛr 8:10

Má sɛwviaa sɛbɛla lan o diola masaa Sɛrsɛs lan, má pila pondale kelɛi ndɔɛi lecoo. O kon má yɔngu vanaa ɲaanun soa-a lan, mí nda hel o soa téndéa nda hɛli o cɛi mandaa soa lemasaa nin-nda coo, má piɔw lan.