Ɛstɛr 8:5 - BII BILA

⁵ Mó dimi aa: «Te masaa cɛl pɛ, mò ce ya ɲia, te o cɛl pɛ sɔɛi ya co ndu dimul-le, te o va pɛ aa dɛnɛ nuu hɛnan ndu, mɛɛ sɛbɛlan la sɛvan, mò tɛɛmbuu sɔɔn va o sɛbɛla Haman, po Hammedata fula kon o polale Akak len nin-ndo ndóò sɛva le Yuifia va o kobila leboltan nin-nda kpow diwvo lan.

Ɛstɛr 8:5 Referans Kwoze

Ɛstɛr 7:3

Mí Ɛstɛr lanɔɔ masaa muli aa: «Masaa, màá cɔ ya ɲia, mà cɛl sɔɛi ya co nɔm dimul-le. I yeema mà baŋa yoomu nuu. Hee ya yeema nɔm o ba ni. Handɔɔ o kon coo, i yeema mà baŋa yoomu vanaa nia. Piɛile nilen le co len ni.

Ɛstɛr 5:8

Te masaa ce ya pɛ ɲia, maa o cɛl sɔɛi ya co ndu ɲuna-e, mò toosial-la ba ni havɛiyo. I yeema mì la hin vɛlɛ siɔdii niaa Haman le ɲɛdiaa ya ɛɛndiaanin le niaa-o. O kon, i mululnin nɔm, mì cɔm nɔm ba ni havɛiyo kpeekpei.»

Ɛstɛr 2:17

Mí masaa kaola Ɛstɛr hiovɔɔ vanlaandua tɔ̀a kpow coo, mó ca ndu ɲia, mó tosal ndu dɛnɛ kɛndɔɔ hiovɔɔ cuaambɔa laandua tɔ̀a sina vɔ dɛnɛ vanapɔnɔ le-a kpow coo. Mó vow ndu mɔsil lemasaa, mó siinguu ndu laa ndɔ kɔllo o fonda Vasti-o.

Ɛstɛr 2:4

Cua laandu hɛnannin nɔm masaa-o siŋnunnin lanɔɔ masaa o fonda Vasti-o ni». Mí sɔɛi ken hɛnan masaa, mó tosa lende.

1Samiɛl 20:29

Dimullo o dimul-la ni aa: ‹A yandi, cɛl mà mal-la, mì kɔɛ le sálà yungoo solio o naa lo ciee. Bɛ nuu dimi aa fɔ mi va o hɔl-ndɔ. Lelan taa cɛl pɛ, i yeema mi kɔɛ, mì kɔ cɔ puapilɛa nia.› Lelan David kɛɛ va naa tɛɛn le ɲɛdiaa ho dioo nda masaa latulu ni.»

Fulaa 33:16

Vɛ̀ɛ̀ nda sina yɛnin maa a ce ya ɲia má ca vɛlɛ vannda ha ɲia? Fɔ mì n kɔɛ naa niaa latulu, mì n va teengen a vanaa súúla celen o ceendo coo malan vannda sina maa a ce naa ɲia.»

Fulaa 33:13

Taa ce ya pɛ ɲia lekɛ́ndɛi, mɛɛ cɔm-ndɔ ya yiyan nɔmndo haliko mi sina nɔm, mì sina dɔ́ɔ́ maa a ce ya ɲia lekɛ́ndɛi. Handɔɔ o kon coo, síná vɛlɛ maa cuavaa nɔmnda kpeekpei vannda ha co ni.»

Ɛstɛr 3:1

Dɛnnda lan hiovɔɔ, mí masaa Sɛrsɛs ca Haman po Hammedata fula o polale Akak len nin-ndo ɲia. Mó siinguu ndu bolle simlacia va ndu o ba bɛngu-a kpow.