Ɛstɛr 8:15 - BII BILA

¹⁵ Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.

Ɛstɛr 8:15 Referans Kwoze

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

O Kandɔɔ 41:42

Mí Faraɔnnɔɔ solin kelɛi o isu, mó vow Yosɛf, mó vow ndu volɔɔla kolala keesela kɛndɛ-kɛndɛlan, mó vow ndu yɔlɔn n'sianion o labolo.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Talelan 29:2

Vanaa sandaa kui pɛ, lɛŋnden le dɔwnun ɲaale. Vana kɔlvesɛiyo sul pɛ masaa, lɛŋnden le cɛɛŋun.

Ɛstɛr 6:8

mɛɛ a hun a doma bɛndu lemasa masaa vownun nin paandu-o, mà hin vɛlɛ a so masaa hel nin paandu coo-o, so ndáà vow nin paandu mɔsil lemasaa o lebol-lo pɛɛn.

Ɛstɛr 1:6

Kolala keesela yinaalan a kolala makààlan la va la yiyaa o sungbuma cɔwnun a pow marbre-an, o yoei humbuei a o yoei siaŋɛi kelan n'volion va n vulaa-e. Kpɛŋɛla nda toosiaa a sianion-ndan a kpɛŋɛla nda toosiaa a volion-ndan la va lakɛsiaa o lɛŋnde yikpan a powta siaŋalan, powta humbulan, powta deŋiaalan a powta tiŋilan-nden-ndan coo.

Matie 11:8

Kɛ yɛɛ niaa kɔ cɔ yɛ? Mò va maa langbanɔ vownun volɔɔla cuɛinannda sɔvɛlan-ndo ni? Kɛ o cɛila masaa nin vanaa vownun volɔɔla sɔvɛlan-nda co ni.

Matie 6:29

Kɛ nduyɛ, mì dimul niaa, hali Salomɔn a biilu bɛndu ndóò nɔ-o kpow, o tiiya cuɛinɔnndo maa fula lan o pilɛ le.

Ɛstɛr 6:11

Mí Haman kɔ cua doma bɛndoo a sow, mó vow Mardosee doma kon, mó heelu ndu o sow coo, mó kɔa a ndu o falii kobio, mó va dimio aa: «La tofa vɔ ɲɛ vana tosà le vana masaa yeema le bɛɛlen keo-vo-o!»

Ɛstɛr 5:1

O paale yàándɔlen coo, mí Ɛstɛr mingin volɔɔla ndɔla lemasalan lekɔɔ, mó kɔ sim o bɛ́ɛ̀ va o cɛi lemasaa tɛɛn-ndo, o cɛila masaa va nin-ndan sondoo. Masaa va icali o kpɛŋɛ ndɔ lemasaa nin o dio bɛndoo sanaa.

Ɛstɛr 5:11

Mó cɔm nda mɛɛ bolofaa ndɔɔ va o bɔɔ yɛ, mɛɛ ndóò nɔ cuawva sɛ́lɛ́ bɛndoo yɛ a mɛɛ masaa ndóò heelu ndu o fonda bɛndoo, mó va vanaa bɛndua kpow a simlacia masaa kpow bollen yɛ.

Ɛstɛr 8:14

Mí vanaa piɔw sɛbɛlan-nda hel o soa lemasaa coo, má fula cɔ́-cɔ́ le kɔlan sɛbɛla lan yɔɔ maa mɛɛ masaa ndóò dimi yɛ. Fɔ́ɔ́fɔ̀, mì sɔɛi kalɛi yondan, mí i tiw o kobi lebollo Suse nin kpow.

Ɛstɛr 10:2

Dɛnnda ndɔla kpaayalan a yoomuma ndɔan kpow, a mɛɛ ndóò suili Mardosee mí ndóò kɛsi ndu o fonda bɛndoo yɛ, la co lasɛvaa o sɛbɛ sɔɔn paandun masaa Mɛdea a Pɛrsea n sɛvan nin-ndon nin.

Talelan 11:10

Vana sandaa sɔla pɛ dɛnɛ kɛndɔɔ, vanaa co o kobio nin-nda kpow a dɔwnun ɲaale. Kɛ te vana vɔɔndo vi pɛ, vannda viow kponyoo.

Talelan 28:12

Vanaa sandaa nɔla pɛ dɛnɛ, dɛnɛ lebɛɛ bɛndoo pila co kon ni. Kɛ masalen le del pɛ vanaa kɔlvesɛiya o ba, vana-vana sɔndan.