Ɛstɛr 8:14 - BII BILA

¹⁴ Mí vanaa piɔw sɛbɛlan-nda hel o soa lemasaa coo, má fula cɔ́-cɔ́ le kɔlan sɛbɛla lan yɔɔ maa mɛɛ masaa ndóò dimi yɛ. Fɔ́ɔ́fɔ̀, mì sɔɛi kalɛi yondan, mí i tiw o kobi lebollo Suse nin kpow.

Ɛstɛr 8:14 Referans Kwoze

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Ɛstɛr 2:3

Lelan, masaa bɛnda mò hɛli vanaa dɛnɛ sinaa, mà kɔɛ o kobila lebolta co o masale ndɔlen nin-ndan kpow nin, mà kɔ hɛli cuaambɔa laandua kɛndɛ-kɛndɛa sina vɔ dɛnɛ vanapɔnɔ le-a, mà hun luei nda o cɛi mandaa n'vanlaandoo nin o kobi lebol lemasaa Suse nin, mà kɛsi nda Heke va cɛi mandaa n'vanlaandoo hɔlten-ndo o ba bɛngu. Mì ndu va nda ɲɛm cɔɔlu vana naŋɔɔ-on yɔngoo.

Ɛstɛr 1:2

Telen ndu masaa Sɛrsɛs va icali o kpɛɛŋɛ ndɔ lemasaa coo o kobi lebol lemasaa Suse nin-ndo,

Nehemi 1:1

Sɔɔn Nehemi po Hakalia-o-on co mun ni. «O vɔsi bidiinndɔɔ nin o paangii Kisleu nin, telen ya va o kobi lebollo Suse nin-ndo,

1Samiɛl 21:8

Nduyɛ vana baala Saul-lo pum va ɲinkon vallo tosaa Mɛlɛka o hɔl lon, diola ndɔlan aa Doɛk, Edɔmnɔɔ o va ni. Ndu va bolle vanaa mandaa n'cɔlua Saul-la ni.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

Ɛstɛr 3:13

Má viam kiilaa a sɛbɛla lan le lan yɔɔ o kobila lebolta lemasalan nin, le vannda dimullo maa a tɛɛmbuu Yuifia, mà diw nda, mà cii nda selemenden: felengia, vanaa yuuvɛiya, cuaambɔa a vanlaandua, mà cɔwviaa ɲɛm ndan kpow o paale ten pilɛ bɛngu. Paale ndáà tuu le dɛnɛ kon tosaa len le va paale tɔ́ a leyàándɔlen o paangii tɔ́ a idiinndɔɛi nin ni, paangii Adar pɛɛn.

Ɛstɛr 3:14

O tàndà oo tàndà nin, sɔɛi lemasɛi ken ndíì bɛnda le yondanndo vannda súúlan kpow o lani, haliko mi ndáà va a bɛɛndiannda le paale len.

Ɛstɛr 8:13

Sɔɛi ken va i sɛvaa o sɛbɛla o sɛva lan-ndan nin, le ndi yondaa o tàndàla pilɛn-pilɛnndan nin, le vannda dimullo maa Yuifia vanin a bɛɛndian paale len le yaamɔaa ndaa simullo.

Ɛstɛr 8:15

Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.