Ɛstɛr 8:1 - BII BILA

¹ Paale pilɛle len, mí masaa Sɛrsɛs yɔngu Ɛstɛr laa ndɔ ɲɛ-sɔlaa cɛi Haman va kon yaamɔɔ Yuifia-o kpow. Mí Mardosee hun masaa o hɔl, kani mí Ɛstɛr cɔm ndu masaa vanayɛi va ndu tɛɛn nda Mardosee-e.

Ɛstɛr 8:1 Referans Kwoze

Ɛstɛr 2:7

Mardosee kon va Hadasa mandaa ni, o ndáà veelu aa Ɛstɛr-o pɛɛn. Cua fuɲa ndɔ pɔmbɔ-o Ɛstɛr kon va ni. Vííyo Ɛstɛr va ni, ndóò nɔ lɛ fuɲa le ndóò nɔ lɛ kala le. Cuaambɔ kalaa ndóò naŋ hɔlla taw. Mɛɛ fuɲa ndɔ a kala ndɔ vi, mí Mardosee cua ndu, mó va ndu mandaa.

Talelan 13:22

Vana tosaa dɛnɛ kɛndɔɔ mèl cuavaa ndɔa imamaa kɛ́ ndɔɔ. Vana lahakio yɛ, le vana sandaa kɛ́ ndɔɔ co ni.

Ɛstɛr 2:15

Abihayil va fuɲaa Ɛstɛr ni, Abihayil kon va fuɲa pɔmbɔ Mardosee-o ni, Mardosee manda Ɛstɛr-o pɛɛn. Telen Ɛstɛr-o tiiyaa le kɔlan masaa o hɔl, o ɲuna ɲɛ-ɲɛ celen te, fɔ ɲɛ Heke va cɛi mandaa n'vanlaandu kon hɔlten-ndo cɔm ndu-o. Mí Ɛstɛr va vanaa va ndu cɔu-va kpow hɛnanndo.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Ɛstɛr 7:6

Mí Ɛstɛr muli aa: «Yaamɔɔ kon, vana vɔɔn kon, ndu co Haman ni!» Fɔ́ɔ́fɔ̀, mì siòòŋii bɛndu-bɛnduei bii Haman nɛɛ o va icali masaa nda laa ndɔ o hɔl-la.

Talelan 28:8

Vanndo va pɛ kueelan malɔɔ le tɔnɔ bɛndoo sɔlaa, haliko mo siŋnun vana bolofaa, mɛɛ le vana tosal vanaa bala fondoa kɛndɛi-yo ndu co bolofaa cuungiaa lende ni.

Ɛstɛr 1:14

Vanaa ndɔa silaa va ndu ikɛi kpɛɛlun-nda va haa ni: Karsena, Setar, Admata, Tarsis, Merɛs, Marsena a Memukan. Nda vanaa ŋɔmmɛvaa kan va vanaa bɛndua lebolla le Pɛrsea a Mɛdea n. Nda va o fondala bɛndulan o masale ndɔlen nin ni, kani masaa ndóò laalan nda.

Ɛstɛr 8:7

Mí masaa Sɛrsɛs dimul Ɛstɛr laa ndɔ nda Mardosee Yuifinɔ aa: «Ya ya, i cii nin Ɛstɛr ɲɛm Haman-ndon yɔngu, mí landu Haman o yɔmndo le yeema ndóò yeema le Yuifia diwvo-o.