Ɛstɛr 7:9 - BII BILA

⁹ Mí Harbona, langbanɔ pilɛ o vanaa masaa ndóò kɛsi kɔllo coo-a tɛɛn o dimul masaa aa: «Haman cii yɔmndo bɛɛndiaa le Mardosee vana va sɔɔn kɛndɛn masaa dimio-o landɔɔ, yɔm kon co o ndu lo bɛɛ. Bandii ndɔɛi co háá dunndo beleŋuɛɛnu.» Mí masaa dimi aa: «Mɛɛ a kɔ landu ndu pila lon!»

Ɛstɛr 7:9 Referans Kwoze

Ɛstɛr 5:14

O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

Ɛstɛr 1:10

Paale ŋɔmmɛwndɔlen o kafo kon coo, masaa va a ɲaaloo taw a mɔiyan o hɔl, mó viam vanpiaandua ŋɔmmɛvaa ndu masaa ndóò kɛsi kɔllo coo-a: Mehuman, Bista, Harbona, Bikta, Abakta, Setar a Karkas,

Condii lisai 141:10

Màá vanaa yɔŋ vɔɔŋaa kan a haw o yaŋɔɔla nda pila hɛɛnduu lan ndan, mì ya koni i kɔ hiownun yɛngɛsɛɛ!

Condii lisai 35:8

Màá dɛnɛ palaa voolu nda! Màá nda pila haw o yaŋɔɔle nda handu len! Màá a deli o soon nda tow-vo nin mà tambu!

Daniɛl 6:24

O kon, mí masaa naŋ kɔl taw. Mó dimi le Daniɛl solio o soon yàlàá nin. Mɛɛ nda soli ndu, má mɛɛndian ndu, kɛ hali ɲasɔɔ a ci ndu lekɔɔ le, kani ndóò handu Hala ndɔɔ laalanndo coo.

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!

Condii lisai 73:19

Ɛ̀ɛ̀ nduyɛ, má cè mɛɛ nda tambu o lepilɔɔ yɛ, siòòŋii bɛnduei cii nda kpow.

Ɛstɛr 9:25

Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Ɛstɛr 6:14

A va vɔ ndu sɔɛi ken dimullo, mí vanaa masaa kɛsi kɔllo coo-a hun le kɔlan cɔ́-cɔ́ nda Haman-gaa le ɲɛdiaa kafo Ɛstɛr lanɔɔ masaa ndóò bɛɛndiaa dioo.

Ɛstɛr 6:2

Má komal bungɛi pum lenin, nɛɛ Mardosee ndóò cɔɔmuu vanaa ŋiɔŋaa masaa ndóò kɛsi kɔllo coo le cumullo o dio luɛyaa cɛi lemasaa-a, Biktan nda Terɛs pɛɛn. Vanaa ŋiɔŋaa kan ndáà yii masaa Sɛrsɛs dúmbú le ndu diyɔɔ ni.

1Samiɛl 17:51

Mí David ɲaanun cɔ́-cɔ́ nɛɛ Koliat va-a, mó soli mɔɛi cɔvii Koliat kon o boo ndɔɔ nin, mó kialu ndu bollen a ndi. Filistia cɔu maa kuubanɔ nda cɔwvo vi, má sɔɔndian.

2Masaa 9:32

Mí Yehu tofa coocoo o dio-pɔmbɔɔ, o kon mó ɲuna aa: «Nɛ̀ɛ́ co yɛ le ya? Nɛ̀ɛ́-nɛ̀?» Mí vanaa nda kɛsi kɔllo coo o cɛi lemasaa nin-nda a ŋiɔn, te kon te a yaa a nangun o dio-pɔmbɔɔ, má tofa nɛɛ Yehu va-a.

Ɛstɛr 8:7

Mí masaa Sɛrsɛs dimul Ɛstɛr laa ndɔ nda Mardosee Yuifinɔ aa: «Ya ya, i cii nin Ɛstɛr ɲɛm Haman-ndon yɔngu, mí landu Haman o yɔmndo le yeema ndóò yeema le Yuifia diwvo-o.

Ɛstɛr 9:14

Mí masaa cɛl mì i tosan lende. Mí sɔɛi ken yondan Suse, o kon mí poaa tɔ́a Haman-nda sɔla landɔɔ o yɔmndo.