Ɛstɛr 7:7 - BII BILA

⁷ Mí masaa can tangban a kɔltuw bɛndoo, mó faŋan o tabali nda va dioo-o, mó kɔa o nakɔ cɛi lemasaa nin. Mí Haman dɔaw taasi maa masaa ndóò kelu le ndu dɛnɛ palaa tuisio coo. Le hee, mó koma lo Ɛstɛr lanɔɔ masaa tɛɛlɔnndo le yoomu ndɔɔ baŋaa.

Ɛstɛr 7:7 Referans Kwoze

Talelan 19:12

Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Ɛstɛr 1:12

Mí vanpiaandua masaa ndóò kɛsi kan kɔllo coo-a kɔ dimul Vasti lanɔɔ masaa diom masaa soo-o, kɛ mí Vasti kɛɛ le hunɔɔ. Mí masaa tuulu kɔl taw, mó ɲiiya a kɔlfulaa.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Esai 60:14

Poaa vanaa co nɔm saangiaa-a a hunnin mà tundun nɔm o labɛngunin. Vanaa va nɔm tɛɛndanndo-a kpow a hun baŋnin vulan nɔm o labɛngunin. A veelunin nɔm aa kobi Mɛlɛka-o Siɔn co le O-Diandaa Israɛlla-o.

Talelan 14:19

Vanaa vɔɔnda tuisinnin vanaa kɛndɛa o labɛngunin, mì vanaa kela vɔɔnda kɔ lɔɔ dio vanaa sandaa.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

1Samiɛl 20:9

Mí Yonatan dimul ndu aa: «Le fɛɛn a fɛɛn ken tósàn te! Te i sina pɛ maa fuɲa nuu tuu le nɔm dɛnɛ vɔɔndo tosallo, i vinnin nɔm sɔɛi ken te few!»

1Samiɛl 20:7

Te o dimi pɛ aa: ‹O naŋ›, mɛɛ i peŋ, ya buɛi nɔmndo. Kɛ te o tuulu pɛ kɔl, mɛɛ sina niko pɛɛngu maa o cii tùú le ya diyɔɔ.

Ɛstɛr 1:5

O palɛi ken mɛɛlulan, mí masaa tuisi vɛlɛ kafo celen le vanaa va o kobi lemasaa nin Suse-a kpow. Mó yaw ɲɛdiaa sɔvɛɔ le vanaa bolofaa a vanaa bala fondoa. Mí kafo kon tosan palɛi ndii ŋɔmmɛw o nakɔla cɛi lemasaa nin.

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Talelan 14:35

Masaa ca vana baala kɛndɔɔ ɲia, kɛ kɔltuw ndɔɔ toal vana baala soli vana lasiɛmbu loo coo.

Talelan 16:14

Kiilanɔ piɔ́mndo kɔltuw masaa co ni, kɛ vana kɔlkaloo ndu tiwba mò ɲulul ndu kɔllo.