Ɛstɛr 7:6 - BII BILA

⁶ Mí Ɛstɛr muli aa: «Yaamɔɔ kon, vana vɔɔn kon, ndu co Haman ni!» Fɔ́ɔ́fɔ̀, mì siòòŋii bɛndu-bɛnduei bii Haman nɛɛ o va icali masaa nda laa ndɔ o hɔl-la.

Ɛstɛr 7:6 Referans Kwoze

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Talelan 16:14

Kiilanɔ piɔ́mndo kɔltuw masaa co ni, kɛ vana kɔlkaloo ndu tiwba mò ɲulul ndu kɔllo.

Condii lisai 27:2

Vanaa yɔŋ vɔɔnda va pɛ ya hinullo le ya sɔmndo, nda vanaa nɔ kan nɛyɔn nuu-a, nda yaamɔaa nia kan, nda siɛla ni mà deli.

Ɛstɛr 3:10

O kon mí masaa solin kelɛi o isu, mó yɔngu Haman po Hammedata fula o polale Akak len nin-ndo, ó va kon yaamɔɔ Yuifia-o.

Nehemi 6:16

Lɔ́ɔ́ yaamɔaa naa kpow a tuei ken-ndo, mí siòònde bii vanaa-mangalaa-isɔaa balu naa-a, mí siɛmbulan la bii nda taw, má sina maa o hɛnan Hala naa bɛngu baalaa kalaa tosan ni.

1Samiɛl 24:13

Lelan, màá Mɛlɛka kiolu yamɛi naa tɛɛn naa ŋiɔn! Màá Mɛlɛka pila sala nɔm le dɛnɛ vɔɔn n co ya tosallo-o! Kɛ ya pila co nɔm ɲɛ-ɲɛ vɔɔn yɔŋ te.

Esai 21:4

Kɔllo laasian ya nin laasi-laasi, siòòŋii bɛndu-bɛnduei bii ya. Ɲumma yáà cum paandu tolɔɔ le ɲɔɔ ya hɛnando-an ma vanin pɛ tolɔɔ, siòònde bii ya taw-taw.

Vana Kɔlkaloo 5:8

Le vanndacieea kpow tɔnɔ lelɛŋndo co ni. Masaa bɛɛ, yondoo tɔnɔ ndɔɔ fula ni.

Ɛstɛr 7:5

Mí masaa Sɛrsɛs ɲuna Ɛstɛr laa ndɔ aa: «Nɛ̀ɛ́-nɛ̀ kon? Kuɛɛ nɛ vana tuu tuu kon-ndo co yɛ?»

Ɛstɛr 8:1

Paale pilɛle len, mí masaa Sɛrsɛs yɔngu Ɛstɛr laa ndɔ ɲɛ-sɔlaa cɛi Haman va kon yaamɔɔ Yuifia-o kpow. Mí Mardosee hun masaa o hɔl, kani mí Ɛstɛr cɔm ndu masaa vanayɛi va ndu tɛɛn nda Mardosee-e.