Ɛstɛr 6:6 - BII BILA

⁶ Mí Haman luɛi, mí masaa ɲuna ndu aa: «Yɛɛ vana tosa yɛ le vana masaa yeema le bɛɛlen keo-vo?» Mí Haman ɲunan o kɔl ndɔɔ nin aa: «Ɔ́ɔ̀ vana celen masaa yeema le bɛɛlen keo-vo, te o co ya le?»

Ɛstɛr 6:6 Referans Kwoze

Abdia 1:3

Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Nsaŋ 5:23

haliko mi vannda kpow a biilu Poo mɛɛ nda co Fuɲaa biiloo yɛ. Vana biilu Poo le, mɛɛ o biilu Fuɲa vem ndu-o le.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Yeremi 32:41

Ɲɔɔ hɛnannin ya le nda dɛnɛ kɛndɔɔ tosallo, o kon i tɔalnin nda tɔlɔɔ kpeekpeiyo o lɛŋnden nden nin a kɔl nuu kpow, a yiyan nuu kpow.

Esai 42:1

Tofa vɔ vana ni baalaa, o ya co ikɛi le ndu malaa-o. Ndu co vana ya hɛli-o ni, o ndu nin kɔl nuu dɔawnun ɲaale ni. I tuisi ndu kɔl nuu coo, o pɛɛkunin vanaa-mangalaa-isɔɔa dɛnɛ sandaa.

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Condii lisai 35:27

Kɛ vanaa ɲɔɔ co hɛnanndo le dɛnɛ sandaa-a, màá a yonda a kɔlkɛndɔɔ mà dɔwnun ɲaale! Màà a va dimio lɔ́ɔ́-lɔ́ɔ̀ aa: «Mɛlɛka co o bɔɔ, o yeema mì vana baala ndɔɔ sɔla kɔlɲuloo-o!»

Ɛstɛr 6:11

Mí Haman kɔ cua doma bɛndoo a sow, mó vow Mardosee doma kon, mó heelu ndu o sow coo, mó kɔa a ndu o falii kobio, mó va dimio aa: «La tofa vɔ ɲɛ vana tosà le vana masaa yeema le bɛɛlen keo-vo-o!»

Ɛstɛr 6:9

Mà yɔngu vana pilɛ o simlacia tɛɛn doma bɛndu kon a so kon, mì ndu vow vana masaa yeema kon le bɛɛlen keo-vo doma bɛndu lemasa kon, má heelu ndu o so kon coo, mà kɔɛ a ndu o falii kobio, mà kɔɛ a yondaa ndu laci aa: ‹La tofa vɔ ɲɛ vana tosà le vana masaa yeema le bɛɛlen keo-vo-o!›»

Ɛstɛr 6:7

Mí Haman mulul masaa aa: «Te masaa yeema pɛ le vanndo bɛɛlen keo,

Ɛstɛr 5:11

Mó cɔm nda mɛɛ bolofaa ndɔɔ va o bɔɔ yɛ, mɛɛ ndóò nɔ cuawva sɛ́lɛ́ bɛndoo yɛ a mɛɛ masaa ndóò heelu ndu o fonda bɛndoo, mó va vanaa bɛndua kpow a simlacia masaa kpow bollen yɛ.

Talelan 30:13

Vannda pum yongaa pila nda nɔ ni. Tofa tɛɛndanndo nda tofa caanda ni.

Ɛstɛr 6:5

Mí buɛyaa masaa mulul ndu aa: «Haman co isisi o bɛ́ɛ̀ ni.» Mí masaa dimi aa: «Mɛɛ o luɛi!»

Ɛstɛr 1:15

Mí masaa ɲuna nda aa: «I vem vanaa ya handu kɔllo coo-a le kɔlan hunɔɔ a Vasti laa ni, kɛ o cɛl le hunɔɔ le. Ɔ́ɔ̀ ɲɛ dimin o tɔŋndo nin le ndu handɔɔ coo-o?»

Luke 14:9

mì vana veelu nɔm niaa vana kon-ndo hun dimul nɔm aa: ‹Mel ndu fondaa ho›. O kon siɛmbulan la biinin nɔm le kɔlan calle o fonda mɛɛlaa.