Ɛstɛr 6:3 - BII BILA

³ Mí masaa ɲuna aa: «Yɛɛ ndáà tosa yɛ le Mardosee vɔ̀ngɔ̀ɔ́ dɔvɔɔ le dɛnɛ ndóò tosa kon-ndo? Dɛnɛ lebɛɛ yɛ̀ɛ̀ ndáà tosa yɛ le ndu?» Mí buɛyaa va baalaa o masaa lo-a muli aa: «A tosa ɲɛ-ɲɛ le ndu le.»

Ɛstɛr 6:3 Referans Kwoze

Vana Kɔlkaloo 9:15

Vanndo pum va o kobi kon nin, vana kɔlkaloo a vana bala fondoo o va ni. Ndóò tiwba mì ndóò ciindiaa kobi kalaa a kɔlkalu ndɔɔ, kɛ vana-vana yiyan a ndu o kɔɔ le.

O Kandɔɔ 40:23

Kɛ bolle vanaa va masaa mɔiyan yɔngoo-a loonun a Yosɛf le, mó pɔɛɛnun a sɔɛi ndɔɛi.

Daniɛl 5:29

Fɔ́ɔ́fɔ̀, mí Baltasar dimul buɛyaa ndɔa aa: «La vow Daniɛl volɔɔla báà kalala lemasalan. La vow yɔlɔn n'sianion ndu o labolo, mì la balu yondaa maa ndu cua fonda yàándɔɔ o masale nilen nin ni.»

Daniɛl 5:16

I tuei maa nɔm, a tiwba le kɔlɔ lɔma sɔlaan cɔmndo a sɔɔn viannanndon tɛɛsiaa. Taa nɔla pɛ sɛvaa ho a kɔlɔ ndɔɔ tɛɛsiaa, a vownin nɔm volɔɔla báà kalala lemasalan, mà vow nɔm yɔlɔn n'sianion o labolo. O kon kɔɔli, i yɔngunin nɔm fonda yàándɔɔ o masale nilen nin.»

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

1Dɛnnda lemasalan 11:6

Nduyɛ, David ndóò dimi nin paandu aa: «Vana tase kɔanin mo del Yebusiia coo a cɔwvo-o, ndu siŋnunnin simlacinɔ vanaa cɔwva ni.» Paale pilɛ, mí Yoab po Seruya-o kɔ tiŋ cɔwvo, mó siŋnun niko simlacinɔ vanaa cɔwva.

Ɛstɛr 6:2

Má komal bungɛi pum lenin, nɛɛ Mardosee ndóò cɔɔmuu vanaa ŋiɔŋaa masaa ndóò kɛsi kɔllo coo le cumullo o dio luɛyaa cɛi lemasaa-a, Biktan nda Terɛs pɛɛn. Vanaa ŋiɔŋaa kan ndáà yii masaa Sɛrsɛs dúmbú le ndu diyɔɔ ni.

Ɛstɛr 6:4

Kɛ mí masaa ɲuna aa: «Nɛ̀ɛ́ co yɛ o bɛ́ɛ̀ lemasaa nin?» A telen kon kpafii Haman tiiya o bɛ́ɛ̀ lemasaa nin ni. Ndóò kɔɛ le masaa ɲunaa le Mardosee landɔɔ o yɔm ndóò bɛɛndiaa le ndu-o coo.