Ɛstɛr 6:12 - BII BILA

¹² O kon kɔɔli, mí Mardosee muungu o bɛ́ɛ̀ lemasaa. Mí Haman muungu a kiltan o ndu lo a mɔnɛi, a bollen le tundaa.

Ɛstɛr 6:12 Referans Kwoze

2Samiɛl 15:30

David va Pembii oliviei helɔɔ pelun fondo a caŋndo, kolaa va o kumbuaa ndu o lebol. Vanaa va kɔlan ndu kɔɔli-a bɛɛ a va kɔlan a kolalan lakumbuan o lebol, a va kɔlan a caŋndo.

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

1Masaa 21:4

O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

SƐBƐ YƆB-O 9:24

Te lɛŋnden le del pɛ vana kɔlvesɛiyo o ba, Hala yii vanaa kialaa n'yamaa hɔlla, kani te o co ndu le, nɛ̀ɛ́ nɔla yɛ ken tosa?

Ɛstɛr 7:8

Telen masaa fula o nakɔɔ nin, mó muungu cɛinin nɛɛ nda va ɲɛdiaa dioo-a-o, mó komal Haman o delaa o kpɛŋɛ Ɛstɛr-o coo nɛɛ ndu Ɛstɛr va o icali-a. Mí masaa yonda aa: «Vɛ̀ɛ̀ langbanɔɔ ho yeema vɛlɛ mò kpuva lanaɔɔ masaa ya masaa pila o hɔl cɛinin nanu?» Lɔ́ɔ́ pá mó cii ɲuna kon, mí vanaa ndɔa baalaa yii Haman kolaa o hɔl.

Ɛstɛr 2:19

Lɔ́ɔ́ nda cuungiaa cuaambɔa laandua cuungiaa diinndɔɔ-o, Mardosee va baalaa o cɛi lemasaa nin.

2Dɛnnda lemasalan 26:20

Mí Asaria va bolle vanaa-solia-lasálàá-o a vanaa-solia-lasálàá kpow a tofa ndu, má ca nàà kon ndu o itendu. Má keleŋa ndu soli o bɛ́ɛ̀, mí Osias pila bɛɛ fula cɔ́-cɔ́ le dɛnɛ palaa Mɛlɛka ndóò tuisi kon ndu coo-o.

1Masaa 20:43

O kon, mí siòònde bii masa Israɛlla taw, mó muungu Samari o ndu lo a kɔl tambɛiyo, a buulanndo.

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

1Samiɛl 3:15

Mí Samiɛl lo ihini háá idiiyo. O kon, mó kɔ kumbi diola Cɛi-Mɛlɛka-o. Mí siòònde bii ndu le Helii vundule o ce len dimullo.

Ɛstɛr 6:11

Mí Haman kɔ cua doma bɛndoo a sow, mó vow Mardosee doma kon, mó heelu ndu o sow coo, mó kɔa a ndu o falii kobio, mó va dimio aa: «La tofa vɔ ɲɛ vana tosà le vana masaa yeema le bɛɛlen keo-vo-o!»

1Masaa 21:6

Mó mulul ndu aa: «Nabɔt Yisrɛeliinɔ ya dimul ni le ya nakɔ ndɔ rɛsɛnndo keo mì pendu ndu a volion, te kon te mì mingul ndu o celen sɔngɔ nakɔ ndɔɔ. Kɛ mó kɛɛ aa o yɔngunin ya nakɔ n'rɛsɛn ndɔ kon te.»