Ɛstɛr 6:11 - BII BILA

¹¹ Mí Haman kɔ cua doma bɛndoo a sow, mó vow Mardosee doma kon, mó heelu ndu o sow coo, mó kɔa a ndu o falii kobio, mó va dimio aa: «La tofa vɔ ɲɛ vana tosà le vana masaa yeema le bɛɛlen keo-vo-o!»

Ɛstɛr 6:11 Referans Kwoze

Luke 1:52

O faŋa masaa o kpɛŋɛla lemasalan coo, mó heelu vanaa tuisin tootoo-a.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Esai 60:14

Poaa vanaa co nɔm saangiaa-a a hunnin mà tundun nɔm o labɛngunin. Vanaa va nɔm tɛɛndanndo-a kpow a hun baŋnin vulan nɔm o labɛngunin. A veelunin nɔm aa kobi Mɛlɛka-o Siɔn co le O-Diandaa Israɛlla-o.

Ɛstɛr 9:3

Mí vanaa bɛndua va o tàndàlan nin-nda kpow, masaa n'bungaa a vanaa baalaa masaa kpede va Yuifia malaa, bau siòònde va nda bɔɔ a Mardosee.

Ɛstɛr 8:15

Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.

Ɛsdras 6:13

O kon mí Tatnai, ó va masa ibungaa o tàndá va o peo Efrate leeloo a ba paalen le del-lo coo-o, Setar-Bɔsnai a caaŋaa ndaa bii sɔɔn masaa Darius dimul nda mun-ndon kpafii.

Ɛstɛr 6:10

Mí masaa dimul Haman aa: «Mɛɛ keleŋa lakɔ cɔ́-cɔ́, má kɔ cua doma bɛndoo a sow mɛɛ n dimi yɛ, mà tosa ɲɛ n dimi-o kpow le Mardosee Yuifinɔ, o co baalaa tosa o cɛi lemasaa nin-ndo. Pɔɛɛnun ɲɛ-ɲɛ le tosaa o sɔɔn n tuu-on nin te dɛ!»

Ɛstɛr 6:12

O kon kɔɔli, mí Mardosee muungu o bɛ́ɛ̀ lemasaa. Mí Haman muungu a kiltan o ndu lo a mɔnɛi, a bollen le tundaa.

Talelan 27:18

Vana caa pɛ tɔlɔɔ biyɔɔ, a de kɔmnde ndɔlen. Vana baalaa diikun pɛ vana ndɔ bɛndoo o sɔla bɛɛlen.