Ɛstɛr 6:1 - BII BILA

¹ Icɔl kon, masaa nɔla lɔan te few, mó ɲuna le ndu sɛbɛ sɔɔn paandun lemasan sɛvan nin-ndo cuuo haliko ma dimi sɛbɛ kon ndu masaa o hɔl.

Ɛstɛr 6:1 Referans Kwoze

Daniɛl 6:18

O kon, má handu pow bɛndoo o sóóndó sondoo. Mí masaa handu vɛlɛ tɔɔmasele kelɛi ndɔɛi a tɔɔmasele kelɛi vanaa bɛndua, haliko ɲɛ-ɲɛ mangalan o dɛnɛ Daniɛl-lo nin te.

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

Ɛstɛr 2:23

Mí masaa yaasiaa dɛnɛ kon, mó saalun maa toɲaa o va ni. Má landu vanaa ŋiɔŋaa kan o yɔmndo. Mí dɛnɛ kon sɛvan o sɛbɛ dɛnnda lemasalan nin masaa Sɛrsɛs pila o hɔl.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Esai 41:17

Vanaa bala fondoa a vanaa ikɔɔa co mɛnndan nuwviaa, kɛ ma co le. Diɛɛmuei co nda vesaa o lasondo a kolɔɔ iyeemaa. Ya Mɛlɛka, i kenin nda (mɛnndan), ya Hala Israɛlla, i melnin nda le.

Ɛstɛr 10:2

Dɛnnda ndɔla kpaayalan a yoomuma ndɔan kpow, a mɛɛ ndóò suili Mardosee mí ndóò kɛsi ndu o fonda bɛndoo yɛ, la co lasɛvaa o sɛbɛ sɔɔn paandun masaa Mɛdea a Pɛrsea n sɛvan nin-ndon nin.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Ɛstɛr 5:8

Te masaa ce ya pɛ ɲia, maa o cɛl sɔɛi ya co ndu ɲuna-e, mò toosial-la ba ni havɛiyo. I yeema mì la hin vɛlɛ siɔdii niaa Haman le ɲɛdiaa ya ɛɛndiaanin le niaa-o. O kon, i mululnin nɔm, mì cɔm nɔm ba ni havɛiyo kpeekpei.»

Ɛstɛr 2:22

Mí Mardosee tuɛi tuu nda kon, mó dimul Ɛstɛr lanɔɔ masaa, mì ndu kɔ tɛɛngul masaa sɔɔn mún o diola Mardosee lan.

Ɛstɛr 2:21

O palɛi ken nin, Mardosee va baalaa tosaa o cɛi lemasaa nin. Mí Biktan nda Terɛk va diola luɛyaala cɛi lemasa cumullo-a tuu le masaa Sɛrsɛs diyɔɔ, bau ndáà tuulu kɔl a ndu.