Ɛstɛr 5:9 - BII BILA

⁹ Mí Haman fula ɲinkon a ɲaaloo a á kɔlkɛndɔɔ taw. Kɛ telen o va luɛyɔɔ o dio cɛi lemasaa-o, mó ca Mardosee icali. Mardosee cen te o kpeŋan o fonda ndɔɔ le. Mí Haman tuulu kɔllo taw-taw a ndu.

Ɛstɛr 5:9 Referans Kwoze

Ɛstɛr 3:5

Mí Haman pila dɔaw sɔɛi ken taasi lekɛ́ndɛi maa Mardosee ve tundɔn le vulan baŋɔɔ ndu o labɛngunin te. O kon mó tuulu kɔllo taw.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Nsaŋ 16:20

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Luke 6:25

Dangaa co le niaa co pumndo sunsun-nda, kani yiaan ma nɛinin niaa. Dangaa co le niaa co mamɔɔ-a, kani mɔnɛi biinin niaa mì la can.

Daniɛl 3:13

O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Condii lisai 27:3

Kunda vanaa cɔwva hun bɛɛ mà kila dɔ́ɔ́ngɔ́ɔ̀ le ya cɔlɔba, kɔl nuu yɔŋnun yulan-yulan te. Vannda del-la bɛɛ coo a cɔwvo, a ken kpede i nɔnin kɔlkɛsiaa.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

SƐBƐ YƆB-O 31:31

Ɔ́ɔ̀ vanaa va o cɛi-kola-toandaa nuu nin, má kɛɛ vision dio, má pum-nda?

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

Ɛstɛr 3:2

Vanaa baalaa va o cɛi lemasaa nin-nda kpow a va vulan baŋɔɔ a tundɔnndo Haman o labɛngunin. Lende masaa ndóò dimi ni. Kɛ Mardosee cɛl le tundɔnndo a le vulan baŋɔɔ ndu o labɛngunin lɔ́ɔ́-lɔ́ɔ̀ le.

Ɛstɛr 2:19

Lɔ́ɔ́ nda cuungiaa cuaambɔa laandua cuungiaa diinndɔɔ-o, Mardosee va baalaa o cɛi lemasaa nin.

1Masaa 21:4

O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Ɛstɛr 5:13

Kɛ a kon kpow, te Mardosee Yuifinɔɔ ho co vɔ pɛ icali o cɛi lemasaa dio, i hinì kɔl te.»

1Masaa 21:6

Mó mulul ndu aa: «Nabɔt Yisrɛeliinɔ ya dimul ni le ya nakɔ ndɔ rɛsɛnndo keo mì pendu ndu a volion, te kon te mì mingul ndu o celen sɔngɔ nakɔ ndɔɔ. Kɛ mó kɛɛ aa o yɔngunin ya nakɔ n'rɛsɛn ndɔ kon te.»