Ɛstɛr 5:4 - BII BILA

⁴ Mí Ɛstɛr mulul ndu aa: «Te nɔm masaa cɛl pɛ! I yeema mì la hin hau niaa Haman o ya lo le ɲɛdiaa sɔvɛ ya toosiaa le nɔm-ndo dioo.»

Ɛstɛr 5:4 Referans Kwoze

Talelan 29:11

Diɔm sondo vesɛiyo tambu pɛ kɔl, o solin kɔltambɛi kon o hɔl. Kɛ vana kɔlkaloo ndu, vana sina ndu o hɔl te.

Ɛstɛr 5:8

Te masaa ce ya pɛ ɲia, maa o cɛl sɔɛi ya co ndu ɲuna-e, mò toosial-la ba ni havɛiyo. I yeema mì la hin vɛlɛ siɔdii niaa Haman le ɲɛdiaa ya ɛɛndiaanin le niaa-o. O kon, i mululnin nɔm, mì cɔm nɔm ba ni havɛiyo kpeekpei.»

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

O Kandɔɔ 32:20

Mó sila buɛi diinndɔɔ a o yàándɔɔ a vanaa va kɔlan a cɔlua-a kpow lende. Mó dimul nda aa: «Te la bɔŋan pɛ niaa Esau-vaa, lende niaa soo o ndu lo ni.

O Kandɔɔ 27:25

Mí Isaak dimul ndu aa: «Mɛɛ ke ya ɲɛdiaa mì de ɲɛmahilu nɔm ledoosoo, haliko mi dɔw nɔm duaa.» Mí Yakɔb ke ndu ɲɛdiaa, mó dia. Mó ke ndu vɛlɛ mɔiyan, mó kol.

Ɛstɛr 5:3

Mí masaa dimul ndu aa: «Òó Ɛstɛr laa ni! Yɛɛ nɛ yɔŋnun yɛ? Yɛɛ nɛ n yeema yɛ? Hali o va bɛɛ aa masale nilen táláá n yeema ni, i yɔngunin nɔm.»

Ɛstɛr 5:5

Mí masaa dimi aa: «La kɔ dimul Haman cɔ́-cɔ́ le kɔlan veelú Ɛstɛr-o naa ndu.» Mí masaa nda Haman a kɔa le ɲɛdiaa sɔvɛ Ɛstɛr ndóò toosiaa-o.

Ɛstɛr 1:9

Mí Vasti lanɔɔ masaa bɛɛ tuisi kafo diaa le vanlaandua o cɛi lemasa masaa Sɛrsɛs-o nin.