Ɛstɛr 5:14 - BII BILA

¹⁴ O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

Ɛstɛr 5:14 Referans Kwoze

Ɛstɛr 6:4

Kɛ mí masaa ɲuna aa: «Nɛ̀ɛ́ co yɛ o bɛ́ɛ̀ lemasaa nin?» A telen kon kpafii Haman tiiya o bɛ́ɛ̀ lemasaa nin ni. Ndóò kɔɛ le masaa ɲunaa le Mardosee landɔɔ o yɔm ndóò bɛɛndiaa le ndu-o coo.

Condii lisai 37:32

Vana kɔlvesɛiyo co vana sandaa mɛngɛlaa, o co nɛilan nuwviaa le ndu diyɔɔ.

Condii lisai 37:14

Vanaa kɔlvesɛiya co mɔɔn ndan cɔwvon nanɔɔ, a co kpaasiaala ndalan kindɔɔ le vana bala fondoo a vana ikɔɔ yɔlɔɔ lɛŋ, a le vanaa co kelaa o nɛila sandaalan coo-a diwvo.

1Masaa 21:7

O kon mí Yesabɛl laa ndɔ dimul ndu aa: «Vɛ̀ɛ̀ o co nɔm te co masaa Israɛl te? Cɔn ma de ɲɛdiaa, mà vannun a kɔlkɛndɔɔ. I co nɔm nakɔ n'rɛsɛn Nabɔt Yisrɛeliinɔ-o ke.»

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Rɔmnda 3:15

A lusulun n'pelu le kɔlan vanndacieea diwvo le.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Talelan 4:16

Kani nda nda, taa tosa dɛnɛ vɔɔndo le, a hínì ma lɔl te. Taa yɔl vanacieo le, kpenndaa nda kpennda lahɔl ni.

Talelan 1:18

Vanaa kan, nda pila co soonndan tuwnɔnndo ni. Dúmbúla nda co yiiyo lan la mingulun nda pila.

Condii lisai 9:15

O kon, i sangalanin nɔm, mì dimi ɲɛ vem ya nɔm lisaa-o kpow o diola luɛyaala kobio Siɔn sondoo, mì viow kponyoo le ciindiaa n ciindiaa ya-o.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

2Samiɛl 16:21

Fɔ́ɔ́fɔ̀, mí Ahitofɛl mulul ndu aa: «Kɔ mà kɔ hini a sámáá fuɲa nɔm mɛi haa le cɛi lemasaa mandaa-a. Tuma Israɛlla kpow a tuɛinin sɔɛi ken-ndo, ɲɔɔ co nda pala mì fuɲa nɔm kelun nɔm vɛlɛ yii. O kon, vanaa yeema nɔm-nda kpow a sɔla niko yoomuan.»