Ɛstɛr 5:11 - BII BILA

¹¹ Mó cɔm nda mɛɛ bolofaa ndɔɔ va o bɔɔ yɛ, mɛɛ ndóò nɔ cuawva sɛ́lɛ́ bɛndoo yɛ a mɛɛ masaa ndóò heelu ndu o fonda bɛndoo, mó va vanaa bɛndua kpow a simlacia masaa kpow bollen yɛ.

Ɛstɛr 5:11 Referans Kwoze

Ɛstɛr 3:1

Dɛnnda lan hiovɔɔ, mí masaa Sɛrsɛs ca Haman po Hammedata fula o polale Akak len nin-ndo ɲia. Mó siinguu ndu bolle simlacia va ndu o ba bɛngu-a kpow.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

O Kandɔɔ 31:1

Tumaa pum, mí Yakɔb tuɛi sɔɔn poaa Laban-nda va dimio-on aa: «Yakɔb cal o ɲɛ-sɔlaa fuɲa naa kpow coo, a ɲɛ-sɔlaa fuɲa naa o pɛlnun ladio nuaa ni.»

Marke 10:24

Mí kɔndɔfillo bii kaandennda a sɔɔn mun. Kɛ mí Yeesu miinguu ndi dimi aa: «Cuavaa nia, o kendu le luɛyɔɔ o masale Hala len nin dɛ!

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Esai 10:8

Kani o dimi aa: ‹Vɛ̀ɛ̀ cuavaa lemasaa niaa o co maa masaa le nda co le?

Condii lisai 49:6

Le yɛɛ siòònde bii yɛnin ya o palɛi dɛnɛ palɛi, telen vanaa yɔŋ vɔɔnda balunin ya le ya delɔɔ coo-o?

Ɛstɛr 1:4

Mó cɔm nda bolofaa ndɔɔ a biilu ndɔ lemasale, mó cɔm nda mɛɛ naŋɔɔ ndɔ bɛndu-bɛndoo va yɛ. Mí kafo kon viaw taw-taw, palɛi kɛmɛ a belaŋɔmaa a va kafoo tosaa tuŋ.

Ɛstɛr 8:15

Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.

Condii lisai 49:7

Ɲɛ-sɔlaa ndaa nda co tiindanndo ni, a co kuundianndo a bolofaa nda bɛndoo.

Condii lisai 52:9

«La tofa vɔ langbanɔɔ ho, o ve Hala cɔ maa vana kandaa ndɔ le. Bolofaa ndɔ bɛndoo ndóò tiindan ni, a dɛnɛ palaa o va caanda tuisio coo-o ndóò kandan ni.»