Ɛstɛr 4:3 - BII BILA

³ O tàndàlan kpow nin, nɛɛ-nɛɛ tɔŋ masaa ndóò yii kon-ndo ndóò tueinun pɛ, ndóò siŋnun maa dɛnɛ biisi bɛndu le Yuifia. Má kandu sumndo biyɔɔ, caŋndo a koŋullo, mí vannda taw a vownun yalalan, má va hinilan o pultan nin.

Ɛstɛr 4:3 Referans Kwoze

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Esai 58:5

Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Matie 25:30

Vana baala nɛŋi hoo vana mako loo ndu, la soli ndu o bɛ́ɛ̀ o ɲumndan nin, nɛɛ caŋndan a ciŋndon sɔmndo vanin-nda.›»

Matie 22:13

O kon mí masaa dimul buɛiya aa: ‹La yii ndu pelon a balan, mì la viow ndu o ɲumndan nin o bɛ́ɛ̀, nɛɛ caŋndan a ciŋndon sɔmndo vanin-nda.›

Matie 13:42

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Ɛstɛr 3:12

Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

Ɛstɛr 1:1

O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.

1Samiɛl 11:4

Mí kiilaa kɔa Kibea, o kobi Saul-lo nin, má kɔ downun vannda kona a sɔɔn mun o kɔɔ. Ndáà tueyɔɔ dɔ́ɔ́, má deŋi a caŋndan kpow.

Ɛstɛr 4:2

Mó kɔ mɛɛlu o cɛi lemasaa sondoo, kani vana-vana óò lueì lon a volɔɔla biisilan lekɔɔ le.

Ɛstɛr 4:4

Mí buɛyaa laandua Ɛstɛr-a a vanaa masaa ndóò kɛsi kɔllo coo le ndu kandaa-a kɔ cɔm ndu sɔɛi ken, mí Ɛstɛr lanɔɔ masaa laasian kɔllo kpede. Mó yɔŋ Mardosee volɔɔla cuɛinanndan, haliko mi ndóò soli yalala yuulula va ndu lekɔɔ lan, kɛ Mardosee cɛl te.

Ɛstɛr 9:31

Mí palɛi kafo siondii malaa kon i kialun o telen ndóò dimin-ndo maa mɛɛ Mardosee nda Ɛstɛr lanɔɔ masaa ndáà handu tɔŋndo yɛ, maa nda pila Yuifia loonun ndi le cuavaa ndaa imamaa, mà va sumndo biyɔɔ a cɛɛŋɔnndo.

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

SƐBƐ YƆB-O 2:8

Mí Yɔb cua tɛndula kpɛɛnɛi puululan le ɲɛɛsɔnndo a lan, mó cal o pultan nin.

Esekiɛl 27:30

A koŋulnin nɔm coo, má caŋ fúkpàà-fùkpàà mà caŋ coocoo kpélén a mɔnɛi. A vownunnin loolio o lebol, mà yuulian o pultan nin.

Yonas 3:6

Tuma masaa Ninive sina dɛnɛ kon-ndo, mó can o kpɛŋɛ ndɔ lemasaa coo, mó hulu doma ndɔ lemasaa, mí ndu pila bɛɛ vownun volɔɔla dɛnɛ palaalan, mó cal o pultan nin.