Ɛstɛr 4:16 - BII BILA

¹⁶ «Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Ɛstɛr 4:16 Referans Kwoze

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

2Dɛnnda lemasalan 20:3

Mí siòònde bii Yosafat, mó kialun o kɔl le Mɛlɛka piɛiyo, mó yɔngu yondaa o Yudaa kpow lo le sumndo biyɔɔ.

Luke 9:24

Kani vana-vana yeema pɛ le yoomu ndɔɔ ciindiaa, o hialunnin ndu, kɛ vana-vana yoomu ndɔɔ hɛlun pɛ le ya, ndu ciindiaanin ndu.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

2Samiɛl 10:12

Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

Ɛstɛr 5:1

O paale yàándɔlen coo, mí Ɛstɛr mingin volɔɔla ndɔla lemasalan lekɔɔ, mó kɔ sim o bɛ́ɛ̀ va o cɛi lemasaa tɛɛn-ndo, o cɛila masaa va nin-ndan sondoo. Masaa va icali o kpɛŋɛ ndɔ lemasaa nin o dio bɛndoo sanaa.

Filipea 2:30

kani le baala Krista-o o va le piɔ́mndo sɔlaa ni. Yoomu ndɔɔ va le ndu hiɔlɔnndo o ya malaa, mala niaa pilaa tiwnin ba loo.

Rɔmnda 16:4

A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Dɛnnda kiilaa 27:33

Lɔ́ɔ́ paalen le hun siɔ, mí Pol veelu nda le dioo, mó dimi aa: «Paale tɔ́ a lehiɔɔlundɔlen le co hau nuaa ni, la co sumndo biyɔɔ, la co ɲɛ-ɲɛ dio le.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Dɛnnda kiilaa 10:7

Mɛlɛkanɔ soo kon o ndu lo-o kɔnndan, mí Kɔrnɛil veelu buɛyaa ndɔa nda ŋiɔn a vana cɔw óò vo Hala mó va baalaa tosaa ndu o ba bɛngu-o.

Dɛnnda kiilaa 9:9

Mó cii palɛi ndii yáá o sumɛiyo, o di le, o kol te.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

1Samiɛl 19:5

O vɔngul yoomu ndɔɔ le Koliat Filistinɔɔ diyɔɔ. Ɲinkon, mí Mɛlɛka mala Israɛlla kpow má nɔla yaamɔaa ndaa. Mí nɔm pila ca dɛnɛ kon, nduyɛ ma dɔawnun ɲaale a ndu. Le yɛɛ nɛ n co yɛ niko hakio cuaa ma cii yoomu vana tɛɛmbuu isɔɔ loo? Le yɛɛ nɛ n yeema yɛ le David diyɔɔ o fondo fúúo coo?»

Nsaŋ 19:22

Mí Pilate mulul nda aa: «I cii nin ɲɛ ya sɛva-o sɛva.»

Ɛstɛr 4:3

O tàndàlan kpow nin, nɛɛ-nɛɛ tɔŋ masaa ndóò yii kon-ndo ndóò tueinun pɛ, ndóò siŋnun maa dɛnɛ biisi bɛndu le Yuifia. Má kandu sumndo biyɔɔ, caŋndo a koŋullo, mí vannda taw a vownun yalalan, má va hinilan o pultan nin.

Ɛstɛr 4:15

O kon mí Ɛstɛr mulul Mardosee aa:

Ɛstɛr 4:17

Mí Mardosee kɔa, mó kɔ tosa mɛɛ Ɛstɛr dimul ndu yɛ.

Yeremi 36:9

O vɔsi ŋuɛɛnundɔ Yehoyakim po Yosia-o va o masalen coo Yuda-o, o paangii ŋɔmahiɔɔlundɔɛi, má yonda le sumndo biyɔɔ Mɛlɛka o hɔl, le vannda Yerusalɛm kpow a le vanaa fula o kobila Yuda lan nin má hun Yerusalɛm-nda kpow.

Daniɛl 2:18

Má cɛlan le Hala co o halataala-o ɲunaa o piɛilen nin, haliko mi ndóò tuinun nda iɲíí a dɛnɛ kaamaa kon o kɔɔ, yɔŋii ndáà diw nda a vanaa kɔlkalua tɔ̀a Babilɔn latulu.

2Masaa 7:4

Te n dimi pɛ aa n kɔnnun ciee, n co lakɔ vu lon, kani yima fofolan ma co lon. Te n dimi yɛ vɛlɛ pɛ le lou nanu, vuo koni naa n vunin vɛlɛ ni. Lelan, n kɔnnun o dɔ́ɔ́ngɔ́ Aramiia nin, mì naa pila n kɔ malnún nda o ba. Taa mɛi naa pɛ yoomu, n lo yoomu, taa diw yɛ naa pɛ, mɛɛ n kɔɛnnun ciee-piɔ́m.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Ɛstɛr 9:31

Mí palɛi kafo siondii malaa kon i kialun o telen ndóò dimin-ndo maa mɛɛ Mardosee nda Ɛstɛr lanɔɔ masaa ndáà handu tɔŋndo yɛ, maa nda pila Yuifia loonun ndi le cuavaa ndaa imamaa, mà va sumndo biyɔɔ a cɛɛŋɔnndo.