Ɛstɛr 4:14 - BII BILA

¹⁴ Taa lo pɛ tofaa ma dimi ɲɛ-ɲɛ le, pɛngio a baŋan Yuifia co hunɔɔ fula nɛɛ celen, kɛ nɔm pila a yungu nɔmndo, la sɔlanin piɔ́mndo. Nɛ̀ɛ́-nɛ̀ sina yɛ te o co le dɛnɛ vaa nuaa le n tiiya o fonda vaa nuaa o masalen nden nin te?»

Ɛstɛr 4:14 Referans Kwoze

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Ɛstɛr 2:15

Abihayil va fuɲaa Ɛstɛr ni, Abihayil kon va fuɲa pɔmbɔ Mardosee-o ni, Mardosee manda Ɛstɛr-o pɛɛn. Telen Ɛstɛr-o tiiyaa le kɔlan masaa o hɔl, o ɲuna ɲɛ-ɲɛ celen te, fɔ ɲɛ Heke va cɛi mandaa n'vanlaandu kon hɔlten-ndo cɔm ndu-o. Mí Ɛstɛr va vanaa va ndu cɔu-va kpow hɛnanndo.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

Ɛstɛr 2:7

Mardosee kon va Hadasa mandaa ni, o ndáà veelu aa Ɛstɛr-o pɛɛn. Cua fuɲa ndɔ pɔmbɔ-o Ɛstɛr kon va ni. Vííyo Ɛstɛr va ni, ndóò nɔ lɛ fuɲa le ndóò nɔ lɛ kala le. Cuaambɔ kalaa ndóò naŋ hɔlla taw. Mɛɛ fuɲa ndɔ a kala ndɔ vi, mí Mardosee cua ndu, mó va ndu mandaa.

O Kandɔɔ 22:14

Mí Abraham ke fonda kon diolan aa Adonai-Yiire (kon co dimio ni aa «Maalii nuwviaanin»). Lelan vannda co vɔ dimio háá hau a pembii ken o kɔɔ ni aa: «O pembii Mɛlɛka-e coo, Mɛlɛka pila nuwviaanin.»

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›

2Masaa 19:3

Má kɔ tɛɛngul ndu diom Esekia dimi-o aa: «Paalen nden paale dɛnɛ palaalen, paale imɔnɔlen a paale sangaalen le co ni. Kani hɔ́ɔ́ co nin hunɔɔ le violɔnndo, kɛ yoomuma vialaama co kala ndɔ le.

1Samiɛl 17:29

Mí David ɲuna ndu aa: «Dɛnɛ vɔɔn yɛɛ nɛ ya tosa yɛ? Mo va le sɔɛi ya soo hee daama-e ni?»

Masaa kialaa n'yamaa 15:6

Mí Filistia ɲuna le vana tosa dɛnɛ kon-ndo sinaa, má mulul nda aa: «Samsɔn ni! Le tùú lefu ndɔ fula Timna-o hɛlu ndu lanɔɔ o ba mó ke langbanɔ felengi va ndu Samsɔn ikɛi-yo-o.» O kon, mí Filistia kɔ loam lanɔ kon nda fuɲa ndɔ.

SƐBƐ YƆB-O 9:18

O co bɛɛ ya malɔɔ mì yoomu le, mɔnɛi tuŋ o co ya pimio ni.

Tɔŋ lasálàá 26:42

I loonunnin a kpema co naa tɛɛn naa Yakɔb-o, i loonunnin a kpema co naa tɛɛn naa Isaak-o, i loonunnin vɛlɛ a kpema co naa tɛɛn naa Abraham-o. O kon, i loonunnin a ciɛ́ɔn ya cua a lɛŋnde ndalen o kɔɔ-on.

2Masaa 13:5

Mí Mɛlɛka yɔngu Israɛlla vana baŋaa. Má fula o ba Aramiia bɛngu, má muungu o cɛila-kolala-toandaala ndalan nin maa o tasendɔ.

Ɛstɛr 4:13

mó mulul ndu aa: «Yiyan te maa dɛnɛ palaa kelun le Yuifia-o biandunin nɔm, ma lo yoomu nɔm pilɛ kpé, le tùú nɔm co o cɛi lemasaa nin-ndo.

Ɛstɛr 4:15

O kon mí Ɛstɛr mulul Mardosee aa:

Ɛstɛr 2:17

Mí masaa kaola Ɛstɛr hiovɔɔ vanlaandua tɔ̀a kpow coo, mó ca ndu ɲia, mó tosal ndu dɛnɛ kɛndɔɔ hiovɔɔ cuaambɔa laandua tɔ̀a sina vɔ dɛnɛ vanapɔnɔ le-a kpow coo. Mó vow ndu mɔsil lemasaa, mó siinguu ndu laa ndɔ kɔllo o fonda Vasti-o.

Vana Kɔlkaloo 3:7

Telenndo co le sɛɛsaa, telenndo co le sɔndɔɔ, telenndo co le meiyo, telenndo co le sɔɛi.