Ɛstɛr 3:9 - BII BILA

⁹ Lelan taa cɛl pɛ, tɔŋndo handun le nda diwvo. Ya Haman, i tuunin volin latámán kilolan vaalan kɛmɛ leyáá (300 000), mì yɔngu vanaa co baalaa o masale nɔmnden nin-nda mun le vowvo o kesu lemasaa nin.»

Ɛstɛr 3:9 Referans Kwoze

O Kandɔɔ 23:16

Mí Abraham cɛl tuu Efrɔn-ndo, mó tuu vɔngu lelɛŋ ndóò dimi Hitiaa tɔ̀a o hɔl-lo, volin latámán kɛmɛ lehiɔɔlu, mɛɛ ndáà tuu mun o yulalen boondii ken yɛ, mó yɔngu ndu.

Matie 18:24

Ndóò kandɔɔ sɔɔn yaasiaa, má cuu ndu langbanɔ pilɛ fulaa o vanaa ndɔa baalaa tɛɛn, mí volion hel ndu taw-taw.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Ɛstɛr 3:10

O kon mí masaa solin kelɛi o isu, mó yɔngu Haman po Hammedata fula o polale Akak len nin-ndo, ó va kon yaamɔɔ Yuifia-o.

Ɛstɛr 4:7

Mí Mardosee downun ndu kona a dɛnɛ yɔŋnun-ndo kpow o kɔɔ, mó dimul ndu vɛlɛ mɛɛ Haman ndóò yii kpemaa le volin bɛndon lueiyo o kesu lemasaa nin le Yuifia kpow diwvo yɛ.

Ɛstɛr 7:4

Kani vanaa nia a ya pila kpow, a cii naa pisi le naa diyɔɔ, le naa tɛɛmbuuo a le naa ciiyo selemenden. Te ndóò va pɛ maa le siŋnɔnndo cɛa piaandua a cɛa laandua ndáà pisi naa ni, i ve ɲɛ-ɲɛ dimi le, kani dɛnɛ palaa kon ndu ndóò tosanin mì vana óò kpeeŋiaa nɔm masaa le.»

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,