Ɛstɛr 3:8 - BII BILA

⁸ Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Ɛstɛr 3:8 Referans Kwoze

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Dɛnnda kiilaa 28:22

Kɛ n yeema mì n sínà yiyan nɔmndo. Kani n sínà maa vannda co nɔm cenelanndo nɛɛ-nɛɛ ka.»

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Nsaŋ 7:35

Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Sakari 7:14

Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»

Esekiɛl 11:16

Lelan dimul nda aa nuaa Maalii Hala dimi i aa: i sɛŋi nda nɛɛ levil o vanaa-mangalaa-isɔɔa tɛɛn, i sɛŋi nda o lɛŋii bɔɔ-bɔɔ nin, kɛ i siŋnunnin telen pum Cɛi-Diandaa le nda o lɛŋii nda kɔɛ nin-nde nin.›

Esekiɛl 6:8

Kɛ i mɛinin vanaa pum yoomu o niaa tɛɛn, vanaa hialunnin mɔɛi cɔwve, mà lo yoomu-a pɛɛn. I sɛŋinin nda o lɛŋii isumualle tɛɛn.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Nehemi 1:8

Loonun a sɔɛi n dimul Moise vana nɔm baalaa-e, yandi. Má dimul ndu aa: ‹Te la cua pɛ hakio, i sɛŋinin niaa vanaa súúla celennda tɛɛn.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Tɔŋ miingua 30:3

Mɛlɛka Hala niaa tuinunnin niaa iɲíí. O solinin niaa nɛɛ niaa vanin a sɛŋiannda o cɛlen nin vanaa-mangalaa-isɔɔa tɛɛn-nda, mò mingi niaa o niaa lo.

1Piɛr 1:1

Ya Piɛr, kiila Yeesu Krista-o ni. Ya co vanaa Hala hɛli, má ɲaanun, má sɛŋin o lɛŋii bungɛi he nin-nda sɛvallo ni, a co Pɔn, Kalasi, Kapadɔs, Asii a Bitini-a.

Ɛstɛr 3:9

Lelan taa cɛl pɛ, tɔŋndo handun le nda diwvo. Ya Haman, i tuunin volin latámán kilolan vaalan kɛmɛ leyáá (300 000), mì yɔngu vanaa co baalaa o masale nɔmnden nin-nda mun le vowvo o kesu lemasaa nin.»

Ɛstɛr 4:1

Mardosee ndóò sinaa dɔ́ɔ́ dɛnnda va lan yɔŋnɔnndo lan kpow, mó sɛɛsian volɔɔlan lekɔɔ, mó vownun yalala yuululan, mó vownun pultan o lebol. Mó fula kobio balɔɔ, mó va yondaa kpélén a mɔnɛi.

Yeremi 33:24

Vɛ̀ɛ̀ a co tueyɔɔ ɲɛ vannda ha co dimio-o le? A co dimio aa ya cii yungula tiɔnnda yáà hɛli lan kɛɛ, Israɛlla a Yudaa pɛɛn. Nuaa nda co yungu nuu yio kiolɔnndo ni, a nɔ o kɔl maa a co lɛ lelɛŋ a ba nda le.

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Daniɛl 6:13

Má muungu o masaa lo. Má yiyalan ndu tɔŋndo ho aa: «Masaa, o co nɔm pila le handu baa o tɔŋndo ho coo aa o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, vana kon bɛnda mò viownun o soon yàlàá nin te?» Mí masaa muli aa: «Lende kpeekpei sɔɛi kelun ni, mɛɛ tɔŋ Mɛdia a Pɛrsea, ó mangalan lɔ́ɔ́-lɔ́ɔ̀ loo co yɛ.»

Kundalan 23:9

I sim o powta kpovalan bollen, mí ca nda. I sim o pembon coo, mí mɛɛndan nda. A toɲa, vanaa calta ndalan la connun teengen-nda nda co ni. Nda co ɲɛ pilɛ a vanaa-mangalaa-isɔɔa tɔ̀a le.

Ɛsdras 4:6

O masale Sɛrsɛs len kandɔɔ, mí yaamɔaa kan sɛval ndu Sɛrsɛs sɛbɔɔ le vanaa va o tàndá Yuda-o nin-nda a vanaa va Yerusalɛm ciee-a lɔlɔɔ.

Daniɛl 6:14

O kon, má dimul masaa aa: «Kɛ Daniɛl, vana hin ho o biyɔɔ nin fulaa Yuda-o, o nɔ lebɛɛ a nɔm te. O nɔ vɛlɛ kpeku a tɔŋ n yii-o le. Kani bɛmbɛ leyáá o piɛi Hala ndɔɔ o paalen nin ni.»