Ɛstɛr 3:5 - BII BILA

⁵ Mí Haman pila dɔaw sɔɛi ken taasi lekɛ́ndɛi maa Mardosee ve tundɔn le vulan baŋɔɔ ndu o labɛngunin te. O kon mó tuulu kɔllo taw.

Ɛstɛr 3:5 Referans Kwoze

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Ɛstɛr 5:9

Mí Haman fula ɲinkon a ɲaaloo a á kɔlkɛndɔɔ taw. Kɛ telen o va luɛyɔɔ o dio cɛi lemasaa-o, mó ca Mardosee icali. Mardosee cen te o kpeŋan o fonda ndɔɔ le. Mí Haman tuulu kɔllo taw-taw a ndu.

Talelan 21:24

Vana kuundian pɛɛsa caanda-o, diola ndɔlan aa «Yongaa». A yonga ndɔ bɛndu-bɛndoo o tosa dɛnndan ni.

Ɛstɛr 3:2

Vanaa baalaa va o cɛi lemasaa nin-nda kpow a va vulan baŋɔɔ a tundɔnndo Haman o labɛngunin. Lende masaa ndóò dimi ni. Kɛ Mardosee cɛl le tundɔnndo a le vulan baŋɔɔ ndu o labɛngunin lɔ́ɔ́-lɔ́ɔ̀ le.

Talelan 19:19

Vana hiw kɔllo tuwvo-o bɛnda mò luɛi bɔnɔ, te o co kon te o yɛla.

Talelan 12:16

Diɔm sondo vesɛiyo nɛi kɔl tuulu le, kɛ vana kɔlkaloo ndu vionɔɔ o vian kɔl ndɔ fulaa ni.

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

Ɛstɛr 1:12

Mí vanpiaandua masaa ndóò kɛsi kan kɔllo coo-a kɔ dimul Vasti lanɔɔ masaa diom masaa soo-o, kɛ mí Vasti kɛɛ le hunɔɔ. Mí masaa tuulu kɔl taw, mó ɲiiya a kɔlfulaa.

Ɛstɛr 3:4

A va ndu sɔɛi pilɛi ken ɲunaa lɔ́ɔ́-lɔ́ɔ̀, kɛ Mardosee ve nda lani yaŋɔɔ le. Mó va nda dimullo maa Yuifnɔɔ o va ni. O kon, má kɔ lɔalu ndu o Haman ndo le sinaa te ndóò lonin o diom o dimi kon-ndo coo.

Vana Kɔlkaloo 10:6

mò ke diɔmaa sondo vesɛiya simlacilen o fondala bɛndulan, mì vanaa sɔvɛa lo o fondala pɔmbɔlan.

Condii lisai 37:12

Vana kɔlvesɛiyo co kɔlkalu vɔɔndo nuwviaa le vana sandaa dúmbóó yiiyo, o co ndu ciŋndon kumbillo kpangaɲan.