Ɛstɛr 3:13 - BII BILA

¹³ Má viam kiilaa a sɛbɛla lan le lan yɔɔ o kobila lebolta lemasalan nin, le vannda dimullo maa a tɛɛmbuu Yuifia, mà diw nda, mà cii nda selemenden: felengia, vanaa yuuvɛiya, cuaambɔa a vanlaandua, mà cɔwviaa ɲɛm ndan kpow o paale ten pilɛ bɛngu. Paale ndáà tuu le dɛnɛ kon tosaa len le va paale tɔ́ a leyàándɔlen o paangii tɔ́ a idiinndɔɛi nin ni, paangii Adar pɛɛn.

Ɛstɛr 3:13 Referans Kwoze

Ɛstɛr 9:10

poaa tɔ́a Haman po Hammedata-o-a pɛɛn, Haman yɔŋnun kon yaamɔɔ Yuifia-o. Kɛ a yee ba o ɲɛm vanaa ndáà dii kan-nda le.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Rɔmnda 3:15

A lusulun n'pelu le kɔlan vanndacieea diwvo le.

Yeremi 51:31

Kiilaa co kɔannanndo kɔɔli, vanaa hivia layoongua co kɔlan a kiltan le masaa dimullo aa: «Kobi nɔmndo biinun kpede,

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

SƐBƐ YƆB-O 9:25

Palɛi nii hiow bɛɛ keleŋaa cuunɔnndo a vana co kiltan-ndo, i cuu hiownɔn lende, i ci dɛnɛ kɛndɔɔ le.

Ɛstɛr 7:4

Kani vanaa nia a ya pila kpow, a cii naa pisi le naa diyɔɔ, le naa tɛɛmbuuo a le naa ciiyo selemenden. Te ndóò va pɛ maa le siŋnɔnndo cɛa piaandua a cɛa laandua ndáà pisi naa ni, i ve ɲɛ-ɲɛ dimi le, kani dɛnɛ palaa kon ndu ndóò tosanin mì vana óò kpeeŋiaa nɔm masaa le.»

1Samiɛl 22:19

Mí Saul diw vanaa va Nɔb-a kpow, kobi vanaa-solia-lasálàà kan pɛɛn. Mó diw vanpiaandua a vanlaandua, cuaambɔa a cɛlɛkpɛa, mó diw vɛlɛ nawva, sofɛlɛa, saa a cuinaa va lon-nda kpede.

Ɛstɛr 8:5

Mó dimi aa: «Te masaa cɛl pɛ, mò ce ya ɲia, te o cɛl pɛ sɔɛi ya co ndu dimul-le, te o va pɛ aa dɛnɛ nuu hɛnan ndu, mɛɛ sɛbɛlan la sɛvan, mò tɛɛmbuu sɔɔn va o sɛbɛla Haman, po Hammedata fula kon o polale Akak len nin-ndo ndóò sɛva le Yuifia va o kobila leboltan nin-nda kpow diwvo lan.

Ɛstɛr 9:1

O paale tɔ́ a leyàándɔlen coo o paangii tɔ́ a idiinndɔɛi nin, paangii Adar, sɔɛi masaa ndóò yii tɔŋndo-e ndíì bɛnda le tosanndo ni. Yaamɔaa Yuifia ndáà nɔ o lakɔl maa a va nda tiwba paale len. Kɛ mí o nda ve kɔl too tosan, mí Yuifia nɔla vanaa va nda pɛɛsaa-a.

Ɛstɛr 9:5

Mí Yuifia cuukuu yaamɔaa ndaa kpow a mɔɔn cɔwvon, má cii nda diw, má tosal vanáà pɛɛsa nda kan-nda mɛɛ ndáà yeema yɛ.