Ɛstɛr 3:12 - BII BILA

¹² Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

Ɛstɛr 3:12 Referans Kwoze

1Masaa 21:8

Mí Yesabɛl sɛwviaa sɛbɛlan o diola masaa Akab lan, mó handu pondale lemasalen lecoo, mó yoo kaasoŋaa kɔlkalua a simlacia va o kobi Nabɔt va icali nin-ndo nin-nda sɛbɛla lan.

Ɛstɛr 1:22

O kon, mí masaa yaa sɛbɛlan o kobila lebolta va o masale ndɔlen nin-ndan kpow nin, vanaa-mangalaa-isɔɔ oo vanaa-mangalaa-isɔɔ mɛɛ sɔɛi ndɛi mangalɛi va yɛ. Má dimi o sɛbɛla lan nin maa vanpiaandua kpow, vana-vana bɛnda mò va vana lebollo o yungule ndɔlen coo, mà soo o sɔɛi nda velu nda-e nin.

Daniɛl 6:15

Mɛɛ masaa tuei sɔɛi ken, mó sanga o kɔl ndɔɔ nin taw. Mó nuwviaa nɛiyo le Daniɛl baŋaa. Mó kindin taw le ndu ciindiaa háá icɔllo.

Daniɛl 6:12

Mí yaamɔaa ndɔa kan a keleŋa lakɔ o ndu Daniɛl lo, má komal ndu, o va Hala tɛɛlɔnndo a ndu piɛiyo.

Daniɛl 6:8

Vanaa lebolaa bɛndua, vanaa kialaa n'yamaa, vanaa silaa masaa a masaa n'bungaa cii cɛlan o tɔŋndo pum coo. Lelan, mì nɔm pila handu ba lecoo. Tɔŋ kon co hoo ni: o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, o viawnunnin o soon yàlàá nin.

Ɛstɛr 9:27

Yuifia siinguu palɛi ŋiŋii ken palɛi naamui vana nɔla faŋa le-i ni le nda pila, le cuavaa ndaa imamaa a le vana-vana handun nda coo. Vɔsi oo vɔsi, dɛnnda lan láà bɛnda le tosanndo o telen kelun-ndo mɛɛ o va o sɛvaa yɛ.

Ɛstɛr 8:2

Mó soli kelɛi ndɔɛi ndóò poonda Haman o ba-e, mó ke Mardosee. Mí Ɛstɛr handu vɛlɛ Mardosee ɲɛm Haman-ndon bollen.

Ɛsdras 8:36

O kon kɔɔli, má tɛɛngul vanaa bɛndua a masaa n'bungaa va o tàndá va o peo Efrate leeloo a ba paalen le del-lo-a sɔɔn masa bɛndoo ndóò dimi mun-ndon. O kon, má mala niko vannda le Cɛi-Hala-o mingio tangullo.»

Ɛstɛr 3:11

Mí masaa dimul Haman aa: «Volin nɔmndon va nɔm o ba, i mal nɔm vɛlɛ vanaa kalaa o ba. Tosa hɛnan nɔmndo a nda.»

Daniɛl 3:10

Nɔm masaa pila dimi ni maa vana-vana tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, o bɛnda mò tundun mo sooluu piɔm n'sianio.

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.