Ɛstɛr 2:9 - BII BILA

⁹ Mí Ɛstɛr hɛnan Heke taw, mó ca ndu ɲia. Mó keleŋa ndu dɔ́ɔ́ ɲɛm kɛndɛn vana bɛɛndian-ndon, a ɲɛm bɛnda le balo ndɔɔ-on yɔngu. Mó yɔngu ndu vɛlɛ buɛyaa laandua felengia nda ŋɔmmɛw, à ndáà hɛli o cuaambɔa laandua va baalaa o cɛi lemasaa nin-nda tɛɛn-nda. O kon má cua Ɛstɛr a buɛyaa ndɔa laandua, má luei nda o cɛi hiow naŋɔɔ kpow o cɛi mandaa n'vanlaandoo nin-ndo nin.

Ɛstɛr 2:9 Referans Kwoze

Talelan 16:7

Mɛlɛka hini pɛ kɔl a kela vanndo, o tosa bɛndaa muungu vana kon tɛɛn hali nda yaamɔaa ndɔa.

O Kandɔɔ 39:21

Kɛ Mɛlɛka va Yosɛf ikɛi mó va ndu dɛnɛ kɛndɔɔ tosallo, mí vana va vanaa kaasoa bollen-ndo ca Yosɛf ɲia taw.

Ɛstɛr 2:12

Felengia kan ndáà bɛnda mì ndáà bɛɛndian o paagon tɔ́ a n'miun bɛngu mɛɛ ndóò sɛvan a vanlaandua o kɔɔ yɛ. O paagun ŋɔmpumun tason bɛngu, cuɛima cun kɛndɛan ndáà suinun ni. O paagun ŋɔmpumun tɔ̀un bɛngu, ɲɛla cun kɛndɛlan a ɲɛ-ɲɛ ningila vanalanɔɔ ndáà suinun ni. Te telen bɛɛndian kon ndóò hiow pɛ, cuaambɔa laandua kan, vana-vana ndóò kɔɛ o masaa lo.

Ɛstɛr 2:3

Lelan, masaa bɛnda mò hɛli vanaa dɛnɛ sinaa, mà kɔɛ o kobila lebolta co o masale ndɔlen nin-ndan kpow nin, mà kɔ hɛli cuaambɔa laandua kɛndɛ-kɛndɛa sina vɔ dɛnɛ vanapɔnɔ le-a, mà hun luei nda o cɛi mandaa n'vanlaandoo nin o kobi lebol lemasaa Suse nin, mà kɛsi nda Heke va cɛi mandaa n'vanlaandoo hɔlten-ndo o ba bɛngu. Mì ndu va nda ɲɛm cɔɔlu vana naŋɔɔ-on yɔngoo.

Daniɛl 1:9

Mí Hala tosa, mí Aspenas cɛl sɔɛi Daniɛl-le a yiyan kɛndɔɔ, a ɲííye.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Dɛnnda kiilaa 7:10

Mí Hala soli ndu o sangalan kpow nin. Mó ke ndu kɔlkaloo, mí ɲɔɔ hɛnan masaa Esipte a ndu. Mí masa kon siinguu ndu masa ibungaa le lɛŋnde Esipte len kpow a le yungu ndɔɔ kpow.

Condii lisai 106:46

mí vanaa nda va o ba o biyɔɔ nin-nda kpow tuinun nda iɲíí.

1Masaa 8:50

mà mal vanaa nɔmnda haki le hakila nda cua a nɔm-ndan a le nila kalula nda tosal nɔm-ndan, mà luei vanaa nda co o ba o cɛlen nin-nda kɔl iɲííyo o kɔl, mì vanaa kan tuinun nda iɲíí.

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Ɛstɛr 5:2

Ndóò cɔu dɔ́ɔ́ Ɛstɛr laa ndɔ isisi o bɛ́ɛ̀, mó ca ndu ɲia. Mó yulu tinda n'siani ndóò nɔ o ba-o Ɛstɛr o hɔl, mí Ɛstɛr sɔɔnguu, mó pilan tindaa hɔllo.

O Kandɔɔ 39:4

O kon mó ca Yosɛf ɲia taw, mó sɔaa ɲɛm ndɔn ndu o ba. Mó siinguu ndu vana nɔ hɔlten cɛi ndɔɔ coo-o, mó sɔaa ɲɛm ndɔn sɔlan ndu o ba le mun mandaa.