Ɛstɛr 2:7 - BII BILA

⁷ Mardosee kon va Hadasa mandaa ni, o ndáà veelu aa Ɛstɛr-o pɛɛn. Cua fuɲa ndɔ pɔmbɔ-o Ɛstɛr kon va ni. Vííyo Ɛstɛr va ni, ndóò nɔ lɛ fuɲa le ndóò nɔ lɛ kala le. Cuaambɔ kalaa ndóò naŋ hɔlla taw. Mɛɛ fuɲa ndɔ a kala ndɔ vi, mí Mardosee cua ndu, mó va ndu mandaa.

Ɛstɛr 2:7 Referans Kwoze

Ɛstɛr 2:15

Abihayil va fuɲaa Ɛstɛr ni, Abihayil kon va fuɲa pɔmbɔ Mardosee-o ni, Mardosee manda Ɛstɛr-o pɛɛn. Telen Ɛstɛr-o tiiyaa le kɔlan masaa o hɔl, o ɲuna ɲɛ-ɲɛ celen te, fɔ ɲɛ Heke va cɛi mandaa n'vanlaandu kon hɔlten-ndo cɔm ndu-o. Mí Ɛstɛr va vanaa va ndu cɔu-va kpow hɛnanndo.

Efɛsea 6:4

Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

2Korɛntea 6:18

I vanin Fuɲa nia, mì niaa va poaa niaa a cuavaa nia.» Mɛlɛka nɔ kpaayaa kpow-vo dimi lende ni.

Ɛstɛr 1:11

le kɔlan hunɔɔ a Vasti laa ndɔ ndu masaa pila o hɔl, mì Vasti ndóò hin a mɔsil lemasaa o lebol maa lanɔɔ masa. Masaa ndóò yeema mì ndóò cɔm vanaa va lon-nda a vanaa lebolaa ndɔa kpow mɛɛ Vasti ndóò naŋ hɔlla taw yɛ. Kani salama bɛndoo o va ni.

O Kandɔɔ 48:5

Sunsun yɛ, i cua poaa nɔmaa ŋiɔŋaa n velu haa Esipte nanu telen yáà hin-ndɔ loo-a maa poaa nia ya solin o ipulu-a, Efraim nda Manase pɛɛn. Poaa nia nda co ni maa Rubɛn nda Simeɔn.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

Ɛstɛr 2:20

Ɛstɛr cɔm vana-mangalaa-isɔɔ súú o va-o le, o cɔm vɛlɛ yungu o fula nin-ndo le, maa mɛɛ Mardosee ndóò dimul ndu yɛ. Mó lo sɔɛi Mardosee-e biyɔɔ maa telen o va ndu o ba bɛngu-o.

Ɛstɛr 8:1

Paale pilɛle len, mí masaa Sɛrsɛs yɔngu Ɛstɛr laa ndɔ ɲɛ-sɔlaa cɛi Haman va kon yaamɔɔ Yuifia-o kpow. Mí Mardosee hun masaa o hɔl, kani mí Ɛstɛr cɔm ndu masaa vanayɛi va ndu tɛɛn nda Mardosee-e.

SƐBƐ YƆB-O 31:17

te i de pɛ ɲɛdiaa nuu a sɔngbɔɔndo, mí ke vííyo ɲɛ-ɲɛ le,

SƐBƐ YƆB-O 31:18

nduyɛ, i va vɔ felengi, mí kandu víí kon mandaa, maa fuɲa ndɔ koni ya yɔŋnun ni, kala nuu o dembe pɔ́ ya kandu vanalanɔ pɔnɔ ndɔ vi-o simndan laci ni,