6 O va vana pilɛ o vanaa Nebukanɛsar masaa Babilɔn, ndóò bii Yerusalem, mó kɔa a nda o biyɔɔ nin-nda tɛɛn. Yekonia masaa Yuda-a bɛɛ va o vanaa ndáà kɔɛ kan o biyɔɔ kon nin-nda tɛɛn.
Mí Mɛlɛka cɔm ya kambɛila tiɔnnda n'voosulan, la va lakɛsiaalan o Cɛi-Hala-o hɔl-ndɔ. Nebukanɛsar masaa Babilɔn ndóò bii nin Yekoniahu po Yehoyakim, masaa Yuda-o, simlacia Yuda, sumnda a vanaa caa baalala laba súú-súù ka-a, mó kɔa a nda Babilɔn.
Mí Nebukanɛsar bii vanaa lo yoomu-a, mó kɔannun a nda Babilɔn. Mó kɔ siinguu nda cɛa ndɔa a cɛa poaa ndɔa, má lo o cɛle len nin háá telen masalen Pɛrse le sɔla yoomuan-ndo.
Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.
Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»
Vɔsi kon o suili vɔsilan laŋɔmaa o masalen ni. Mí Yehoyakin masaa Yuda fula nda kala ndɔ, buɛyaa ndɔa, vanaa ndɔa baalaa a vanaa bɛndua va ndu o ba bɛngu-a, mó kɔ yɔngun masaa Babilɔn. Mí caan kon ndu mal ndu o kaasoo.