Ɛstɛr 2:23 - BII BILA

²³ Mí masaa yaasiaa dɛnɛ kon, mó saalun maa toɲaa o va ni. Má landu vanaa ŋiɔŋaa kan o yɔmndo. Mí dɛnɛ kon sɛvan o sɛbɛ dɛnnda lemasalan nin masaa Sɛrsɛs pila o hɔl.

Ɛstɛr 2:23 Referans Kwoze

Ɛstɛr 10:2

Dɛnnda ndɔla kpaayalan a yoomuma ndɔan kpow, a mɛɛ ndóò suili Mardosee mí ndóò kɛsi ndu o fonda bɛndoo yɛ, la co lasɛvaa o sɛbɛ sɔɔn paandun masaa Mɛdea a Pɛrsea n sɛvan nin-ndon nin.

O Kandɔɔ 40:22

Mó landu ɲinkon bolle vanaa loamaa bulua masaa. Mí sɔɔn tosan mɛɛ Yosɛf cɔm nda kɔlɔ lɔma sɔlaama ndan yɛ kpafii.

O Kandɔɔ 40:19

Nanu a palɛi ndii yáá, Faraɔnnɔɔ co nɔm bollen faŋa o kɛsei coo, o co nɔm landɔɔ o yɔm bɛndoo mì yowva hun dio visin nɔmndon.»

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Ɛstɛr 5:14

O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

Yosue 8:29

Mó landu masaa Ai o yɔmndo, mí vana vílɛ́i kon lo lon háá icɔllo. Paalen delɔɔ, mó dimi le ndu tuisio. Má kɔ mal ndu o dio kobio ikɛi, má dii powtan kunda bɛndoo ndu coo, powta lan la co vɔ lon háá paalen nden.

Ɛstɛr 6:1

Icɔl kon, masaa nɔla lɔan te few, mó ɲuna le ndu sɛbɛ sɔɔn paandun lemasan sɛvan nin-ndo cuuo haliko ma dimi sɛbɛ kon ndu masaa o hɔl.

Ɛsdras 4:15

haliko mi vana yaasiaa o sɛbɛla pandula vanaa tosa masalen nɔm laci-a nin. Nɔm pila saalunnin o sɛbɛla masindɛla lan nin, mà bii bila maa kabi sindɛ háá hau, kobi bolle kalaa kobi kon co ni. O co masaa a tàndàla o co nin-ndan cunulɔnndo kabi sindɛ. Vanaa co icali lenin-nda co pɛngi masaa simullo le. Le kɔlɔ kon kobi kalaa piɔl nuaa ni.