Ɛstɛr 2:18 - BII BILA

¹⁸ Le Ɛstɛr bɛɛlen keo, mí masaa tuisi kafoo, mó veelu vanaa bɛndua va ndu o ba bɛngu-a a vanaa ndɔa baalaa. Mó faŋa tàndàlan muloo kuee, mó faandia vannda ɲɛm kɛndɛn lemasan taw.

Ɛstɛr 2:18 Referans Kwoze

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Luke 14:8

«Taa veelu nɔm pɛ le ɲɛdiaa dioo o kafo vannda co nɔu yiiyo-o, kɔa calle o fonda tase co lacio le, yɔŋii vana hiow nɔm bɛɛlen ma veelu ndu-o hun,

Matie 22:2

«Masale halataala len le co maa masa yaw ɲɛdiaa kafoo le lanɔ sɛnɛi po ndɔɔ-o.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Condii kɛndɛ-kɛndɛi 3:11

Felengia laandua Yerusalɛm, la fula! La fula mì la tofa masaa Salomɔn. La tofa vɔ ndu a mɔsil yilaa lanɔɔ o lebol, ò kala ndɔ vow ndu telen o va nɔu yiiyo-o-o, o paale o va o kɔlkɛndɛ bɛndoo nin-nden pɛɛn.»

Ɛstɛr 9:22

Le tùú Yuifia sɔla hɔ́ɔ́yɛi yaamɔaa ndaa o ba o palɛi ken nin, mí kɔl tambɛi ndaa siŋnun ɲaaloo, mí dɛnɛ palaa ndaa siŋnun kafoo o paangii ken nin-ndo, mó dimul nda maa a va kafoo tosaa o palɛi ken coo, mà va ɲɛdiaa kafoo yawvo, mà va ɲɔɔn kennanndo, mà va vanaa bala fondoa malaa.

Ɛstɛr 1:7

Má va vannda mɔiyan yɔngoo o taalala kólaala n'sianila súú-súù ka nin, mɔima lemasan ma va fulaa taw-taw masaa o ba.

Nehemi 8:11

Mí leviia ɲulul vannda kpow kɔltan, má dimul nda aa: «La mei! Paalen nden, paale diandaalen le co ni. La va a kɔltambɛi le!»

1Samiɛl 25:8

O ɲuna pɛ nda, nda pila co ndu dimul. Lelan aa o pɔɛɛnun naa le paale kafo len nden te. Ɲɛ-ɲɛ o nɔla pɛ sɔla, o ke niaa le niaa pila a le ya David po ndɔ.»

O Kandɔɔ 29:22

Mí Laban tosa kafoo, mó veelu vanaa va o tàndà kon nin-nda kpow.

Marke 6:21

Kɛ paale pilɛ, ɲin Herɔde va paale ndɔle vialannden yelelaa-o, mó yaw ɲɛdiaa le vanaa ndɔa lebɛɛa, simlacia vanaa cɔwva a vanaa sɔvɛa kɛ́-kɛ̀ va Kalile.