Ɛstɛr 2:14 - BII BILA

¹⁴ Icɔl ndóò kɔa ni, diimandɔɔ idiiyo ndóò hiow o cɛi diinndɔ mandaa n'vanlaandoo nin. Vana va cɛi diinndɔ kon bollen-ndo va Saskas ni, ndu va vana bɛndu va sámáá masaa mandaa-o ni. Ndóò muungu lɛ o masaa lo le, fɔ mì yeemɛi ndɔɛi ndíì bii masaa, malan ndóò pial ndu diolan le ndu veeloo.

Ɛstɛr 2:14 Referans Kwoze

Ɛstɛr 4:11

«Buɛyaa masaa kpow a vanaa co o kobila lebolta lemasalan nin-nda kpede a sina maa tɔŋndo co o yiyaa le vannda kpow, maa o va vanapɔnɔ, o va vanalanɔ, vana-vana luɛi pɛ o bɛ́ɛ̀ cɛi lemasaa nin le kɔlan o masaa lo, te o co masaa pila le veelu ndu le, vana kon bɛnda mò vi. Fɔ nin mì masaa yulu tinda ndɔ n'sianio vana kon o hɔl, malan o sɔla baŋaa. Ya yɛ, o co nin hau palɛi beleyaa, i sɔla vɔ veelu le kɔlan o masaa lo le.»

Esai 45:4

Le kaola ya kaola nɔm Yakɔb, vana ni baalaa-o, le Israɛl vana ni ya hɛli-o, mí veelu nɔm a diola nɔmndan, mí soaa o nɔm ndo a canyɛi telen nɔm óò sina vɔ ya loo.

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Tɔŋ miingua 21:14

Lɔ́ɔ́-lɔ́ɔ̀ kaola cua kon cuu pɛ po kon o kɔl, o mal ndu, o kɔɛnnun nɛɛ o yeema le kɔnndan-nda. O bɛnda mò pisi ndu a n'voli le, o bɛnda vɛlɛ mo siinguu ndu cɛ ndɔ le. Kani o sina ndu vanalanɔ.»

O Kandɔɔ 34:19

Mí poombɔɔ tosa dɔ́ɔ́ ɲɛ ndáà dimul ndu le tosaa-o, kani ndóò yeema bɔɔ cua Yakɔb-o. Nduyɛ, vana tɔ́ɔ́ o va o yungu fuɲa ndɔ-o nin ni.

Ɛstɛr 2:13

Te telenndo ndóò tiiya pɛ le cuaambɔ laandoo kɔlan masaa o hɔl, ɲɛ-ɲɛ cuaambɔ laandu kon ndóò yeema pɛ le kɔlan a ndu cɔnɔnndo o cɛi mandaa n'vanlaandoo nin le kɔlan o cɛi lemasaa nin, ndáà yɔngu ndu.

Ɛstɛr 2:15

Abihayil va fuɲaa Ɛstɛr ni, Abihayil kon va fuɲa pɔmbɔ Mardosee-o ni, Mardosee manda Ɛstɛr-o pɛɛn. Telen Ɛstɛr-o tiiyaa le kɔlan masaa o hɔl, o ɲuna ɲɛ-ɲɛ celen te, fɔ ɲɛ Heke va cɛi mandaa n'vanlaandu kon hɔlten-ndo cɔm ndu-o. Mí Ɛstɛr va vanaa va ndu cɔu-va kpow hɛnanndo.