Ɛstɛr 2:10 - BII BILA

¹⁰ Ɛstɛr cɔm vana-mangalaa-isɔɔ súú o va-o le, o cɔm vɛlɛ yungu o fula nin-ndo le, kani mí Mardosee ndóò kuuna ndu.

Ɛstɛr 2:10 Referans Kwoze

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Ɛstɛr 2:20

Ɛstɛr cɔm vana-mangalaa-isɔɔ súú o va-o le, o cɔm vɛlɛ yungu o fula nin-ndo le, maa mɛɛ Mardosee ndóò dimul ndu yɛ. Mó lo sɔɛi Mardosee-e biyɔɔ maa telen o va ndu o ba bɛngu-o.

Efɛsea 6:1

Niaa cuawva, mɛɛ mì la bii sɔɔn vanaa velu niaa-a Mɛlɛka o hɔl, kani dɛnɛ bɛnda-o co kon ni.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Ɛstɛr 7:4

Kani vanaa nia a ya pila kpow, a cii naa pisi le naa diyɔɔ, le naa tɛɛmbuuo a le naa ciiyo selemenden. Te ndóò va pɛ maa le siŋnɔnndo cɛa piaandua a cɛa laandua ndáà pisi naa ni, i ve ɲɛ-ɲɛ dimi le, kani dɛnɛ palaa kon ndu ndóò tosanin mì vana óò kpeeŋiaa nɔm masaa le.»

Ɛstɛr 2:7

Mardosee kon va Hadasa mandaa ni, o ndáà veelu aa Ɛstɛr-o pɛɛn. Cua fuɲa ndɔ pɔmbɔ-o Ɛstɛr kon va ni. Vííyo Ɛstɛr va ni, ndóò nɔ lɛ fuɲa le ndóò nɔ lɛ kala le. Cuaambɔ kalaa ndóò naŋ hɔlla taw. Mɛɛ fuɲa ndɔ a kala ndɔ vi, mí Mardosee cua ndu, mó va ndu mandaa.

Ɛstɛr 2:11

Lepalaa-lepala, Mardosee va kɔlan o bɛ́ɛ̀ cɛi mandaa n'vanlaandoo nin le sinaa te Ɛstɛr va kɛndɛ a le sinaa mɛɛ nda va ndu biyɔɔ yɛ.

Ruti 3:6

Mí Ruti kɔa o kpele lɔaa n'mal Boas-o, mó kɔ tosa mɛɛ kala-lɛɛ ndɔ congun ndu yɛ kpafii.