Ɛstɛr 10:3 - BII BILA

³ Mardosee Yuifinɔ va vana diinndɔɔ o masale Sɛrsɛs len nin ni. Yuifia ndáà nɔ bɛɛle Mardosee len taw-taw, ndóò hɛnan vɛlɛ vannda kpow. Kani o va baalaa le dɛnɛ kɛndɛ yungu ndɔɔ, mó va vɛlɛ sɔɛi le kɔlɲulu ndaa.

Ɛstɛr 10:3 Referans Kwoze

Nehemi 2:10

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o tuei maa vanndo pum hin le dɛnɛ kɛndɛ Israɛlla-o, má tambu kɔltan taw-taw.»

Rɔmnda 14:18

Vana tosal pɛ Krista baalaa o nɛi vaa lende coo, ndu hɛnan Hala, vanndacieea bɛɛ a hini kɔl a dɛnɛ ndɔɔ.

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.

Daniɛl 5:29

Fɔ́ɔ́fɔ̀, mí Baltasar dimul buɛyaa ndɔa aa: «La vow Daniɛl volɔɔla báà kalala lemasalan. La vow yɔlɔn n'sianion ndu o labolo, mì la balu yondaa maa ndu cua fonda yàándɔɔ o masale nilen nin ni.»

2Dɛnnda lemasalan 28:7

Mí Sikri, kuubanɔ cɔw pum fula o polale Efraim-nden nin-ndo ndu dii Maaseya po masaa Asrikam va simlacinɔɔ o cɛi lemasaa nin-ndo-o, mó dii vɛlɛ Ɛlkana, vana diinndɔ va masaa ikɛi kpɛɛlun-ndo.

O Kandɔɔ 41:40

Lelan, nɔm co va bollen o masale nilen coo ni, mì vanaa co o ba nuu bɛngu-a kpede a va nɔm o labɛngunin. Ya pila Faraɔnnɔɔ bɛɛ, ɲɛ ya hiawnin nɔm-ndo koni co le co ya co icali o kpɛŋɛ lemasaa nin-ndo ni.

Daniɛl 5:16

I tuei maa nɔm, a tiwba le kɔlɔ lɔma sɔlaan cɔmndo a sɔɔn viannanndon tɛɛsiaa. Taa nɔla pɛ sɛvaa ho a kɔlɔ ndɔɔ tɛɛsiaa, a vownin nɔm volɔɔla báà kalala lemasalan, mà vow nɔm yɔlɔn n'sianion o labolo. O kon kɔɔli, i yɔngunin nɔm fonda yàándɔɔ o masale nilen nin.»

Ɛstɛr 3:2

Vanaa baalaa va o cɛi lemasaa nin-nda kpow a va vulan baŋɔɔ a tundɔnndo Haman o labɛngunin. Lende masaa ndóò dimi ni. Kɛ Mardosee cɛl le tundɔnndo a le vulan baŋɔɔ ndu o labɛngunin lɔ́ɔ́-lɔ́ɔ̀ le.

1Samiɛl 23:17

Mó dimul ndu aa: «Siòòŋii bii nɔm te. Saul fuɲa ni nɔlanin nɔm biyɔɔ le. Nɔm vanin masa Israɛlla ni, mì ya i va nɔm ikɛi. Ndu pila bɛɛ sina nin ken.»

Daniɛl 6:3

Mó kɛsi vanaa lebolla nda yáá, a masaa n'bungaa kan ndáà bɛnda le konaa downɔnndo-a, yɔŋii ndáà yii masa bɛndoo dúmbú. Daniɛl va vana pilɛ o vanaa lebolaa yáá-aa kan tɛɛn.

O Kandɔɔ 45:10

A kɔɛ pɛ, a kɔ va icali o tàndàá Kosɛn nin, le vaa ndu Yosɛf macɛlu niaa cuavaa nɔmnda, cuavaa-imamaa nɔmnda, saa, cuinnda a navaa nɔmnda, a ɲɛ-ɲɛ co le nɔm.

O Kandɔɔ 45:11

A co va lon mò toosiaa kpekula nɔmndan, yɔŋii bolofaa niaa cuu, mì la lo bala fondo niaa yungu nɔmndo a ɲɛ-ɲɛ co nɔm o ba. Kani o lo vɔ vɛlɛ vɔsilan tan ŋuɛɛnu malan yima fofolan man ma cuu.›

1Samiɛl 18:16

Kɛ Israɛlla nda Yudaa kpow ndáà yeema David, kani ndu va nda bollen o cɔwvo nin ni.

Ɛstɛr 2:5

Nduyɛ, langbanɔɔ pum va Suse o kobi lebol lemasaa nin, Yuifinɔɔ o va ni, diolan Mardosee. Po Yair-o o va ni, Simei po Kis-o ndóò velu Yair kon ni, fulaa o polale Bɛnyamɛn-nden nin.