Ɛstɛr 1:9 - BII BILA

⁹ Mí Vasti lanɔɔ masaa bɛɛ tuisi kafo diaa le vanlaandua o cɛi lemasa masaa Sɛrsɛs-o nin.

Ɛstɛr 1:9 Referans Kwoze

Ɛstɛr 5:8

Te masaa ce ya pɛ ɲia, maa o cɛl sɔɛi ya co ndu ɲuna-e, mò toosial-la ba ni havɛiyo. I yeema mì la hin vɛlɛ siɔdii niaa Haman le ɲɛdiaa ya ɛɛndiaanin le niaa-o. O kon, i mululnin nɔm, mì cɔm nɔm ba ni havɛiyo kpeekpei.»

Ɛstɛr 5:4

Mí Ɛstɛr mulul ndu aa: «Te nɔm masaa cɛl pɛ! I yeema mì la hin hau niaa Haman o ya lo le ɲɛdiaa sɔvɛ ya toosiaa le nɔm-ndo dioo.»

Ɛsdras 4:6

O masale Sɛrsɛs len kandɔɔ, mí yaamɔaa kan sɛval ndu Sɛrsɛs sɛbɔɔ le vanaa va o tàndá Yuda-o nin-nda a vanaa va Yerusalɛm ciee-a lɔlɔɔ.

Ɛstɛr 1:8

Mí vana-vana kol mɛɛ o nɔla yɛ. Kani masaa ndóò cii nin vanaa ndɔa baalaa dimul kpow maa o vanaa nda veelu-a tɛɛn, a tosal vana-vana mɛɛ o yeema yɛ.

Ɛstɛr 1:10

Paale ŋɔmmɛwndɔlen o kafo kon coo, masaa va a ɲaaloo taw a mɔiyan o hɔl, mó viam vanpiaandua ŋɔmmɛvaa ndu masaa ndóò kɛsi kɔllo coo-a: Mehuman, Bista, Harbona, Bikta, Abakta, Setar a Karkas,