Ɛstɛr 1:4 - BII BILA

⁴ Mó cɔm nda bolofaa ndɔɔ a biilu ndɔ lemasale, mó cɔm nda mɛɛ naŋɔɔ ndɔ bɛndu-bɛndoo va yɛ. Mí kafo kon viaw taw-taw, palɛi kɛmɛ a belaŋɔmaa a va kafoo tosaa tuŋ.

Ɛstɛr 1:4 Referans Kwoze

SƐBƐ YƆB-O 40:10

Mɛɛ dovin-ndɔ hau dovin lemasaa a biiloo, cuɛinun naŋɔɔ lemasaa ma cuɛinun lisaa.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Matie 4:8

Mí masa ɲinaa vɔɔnda kɔa vɛlɛ a ndu o pembii bɛndu-bɛnduei pum tullo, mó cɔm ndu masɛi co o ceendo coo-e a biilu ndɔɔ kpow,

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Esekiɛl 28:5

A vangala bolofaa nɔmndo o yulale n caa taw len nin, le bolofaa nɔm kon, mí kɔl nɔmndo pia a yongaa.

Esai 39:2

Mí Esekia naŋ kɔl le hunɔɔ vanaa kan, mó cɔm nda fonda ndóò kɛsi bolofaa ndɔɔ-o: volion, sianion, ɲɛm cun kɛndɔn, cuɛima sɔvɛan, volɔɔla ndɔla cɔwlan kpow, ɲɛ-sɔlaa va ndu o ba-o kpede, mó cɔm nda. Ɲɛ-ɲɛ lo o Esekia kɛɛ le nda cɔmndo o cɛi ndɔɔ a masale ndɔlen nin-ndo le.

Condii lisai 145:5

I yeema mì soo a biilu bɛndu masale nɔmnden le nɔ-o o kɔɔ, mì keela kɔllo o dɛnnda kaamaala nɔmndan coo.

Condii lisai 93:1

Nɔm Mɛlɛka co masalen tosaa ni, a cii vanabɛnduyɛi vownɔn maa doma bɛndu, mà yiinun yoomuan maa leyáw. A cii lɛŋnden simi, le kpeŋan te.

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Condii lisai 21:5

O ɲuna nɔm le yoomoo sɔlaa, má yɔngu ndu ndu, má bɛndi palɛi ndɔɛi taw, o viawnin si háá mò viow si!

1Dɛnnda lemasalan 29:25

Mí Mɛlɛka tosa mí Salomɔn pialnun ladio taw Israɛlla kpow o hɔl, mó ke masale ndɔlen pangeloo hiovɔɔ masaa tosa masalen ndu tase Israɛl-la kpow coo.

Ɛstɛr 1:3

o vɔsi yàándɔɔ nin o masale ndɔlen nin, mó tuisi kafoo, mó toosiaa ɲɛdiaa sɔvɛɔ, mó veelu vanaa ndɔa baalaa, langbaa ndɔa kɛsun kálàá, simlacia vanaa cɔvaa Pɛrsea a Mɛdea, handɔɔ o vanaa bɛndua a masaa n'bungaa coo.

Ɛstɛr 1:5

O palɛi ken mɛɛlulan, mí masaa tuisi vɛlɛ kafo celen le vanaa va o kobi lemasaa nin Suse-a kpow. Mó yaw ɲɛdiaa sɔvɛɔ le vanaa bolofaa a vanaa bala fondoa. Mí kafo kon tosan palɛi ndii ŋɔmmɛw o nakɔla cɛi lemasaa nin.