Ɛstɛr 1:22 - BII BILA

²² O kon, mí masaa yaa sɛbɛlan o kobila lebolta va o masale ndɔlen nin-ndan kpow nin, vanaa-mangalaa-isɔɔ oo vanaa-mangalaa-isɔɔ mɛɛ sɔɛi ndɛi mangalɛi va yɛ. Má dimi o sɛbɛla lan nin maa vanpiaandua kpow, vana-vana bɛnda mò va vana lebollo o yungule ndɔlen coo, mà soo o sɔɛi nda velu nda-e nin.

Ɛstɛr 1:22 Referans Kwoze

Ɛstɛr 8:9

Paale len, paangii yàándɔɛi va malɔ bidiin a leyàá, má veelu vanaa sɛvaa masaa, má sɛval Yuifia, vanaa lebolla, masaa n'bungaa a simlacia va o tàndàla bidiinnda lan nin-nda, kandɔɔ Ɛnde, kɔlan tiiya háá Etiopii, tàndàla lan la va kɛmɛ bidiin a laŋɔmmɛw. Lende Mardosee ndóò dimi le tosaa ni. Má sɛwviaa sɛbɛlan, kobi oo kobi a sɛva ndɔ a o sɔɛi mangalɛi vannda ndáà dimi lon-nde nin, má sɛval vɛlɛ Yuifia o sɛva ndaa a o sɔɛi ndɛi mangalɛi nin.

Ɛstɛr 3:12

Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

1Timote 2:12

I cɛl mì vanalanɔɔ pɛɛku vanapɔnɔɔ le, te kon te mo va ndu bollen te. O bɛnda mò mei.

Luke 16:8

Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Ɛstɛr 1:21

Mí sɔɛi ken hɛnan masaa a simlacia. Mó tosa mɛɛ Memukan dimi yɛ.