Ɛstɛr 1:2 - BII BILA

² Telen ndu masaa Sɛrsɛs va icali o kpɛɛŋɛ ndɔ lemasaa coo o kobi lebol lemasaa Suse nin-ndo,

Ɛstɛr 1:2 Referans Kwoze

Nehemi 1:1

Sɔɔn Nehemi po Hakalia-o-on co mun ni. «O vɔsi bidiinndɔɔ nin o paangii Kisleu nin, telen ya va o kobi lebollo Suse nin-ndo,

2Samiɛl 7:1

Mɛɛ Mɛlɛka mala masaa David mó nɔla yaamɔaa ndɔa ndáà balu ndu-a kpede, mó cal o cɛi ndɔ lemasaa nin a kɔlɲuloo.

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

1Masaa 1:46

Salomɔn kalaa connun bɛɛ nihau icali o kpɛŋɛ lemasaa coo.

Daniɛl 4:4

Mɛɛ vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow a tiiya o ya lo, mí cɔm nda lɔma ya sɔl-lan, kɛ a nɔla ya kɔlɔ ndɔɔ cɔmndo le.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Ɛstɛr 3:15

Mí kiilaa piɔl a kiltan a sɛbɛla lan maa mɛɛ masaa ndóò dimi yɛ. Mí sɔɛi ken i yondan o kobi lebollo Suse nin. O kon, mí vanaa va o kobio Suse nin-nda luɛi o buulan bɛndoo nin. Telen kon, masaa Sɛrsɛs nda Haman nda vannun icali mɔima nda kolɔɔ.

Ɛstɛr 2:3

Lelan, masaa bɛnda mò hɛli vanaa dɛnɛ sinaa, mà kɔɛ o kobila lebolta co o masale ndɔlen nin-ndan kpow nin, mà kɔ hɛli cuaambɔa laandua kɛndɛ-kɛndɛa sina vɔ dɛnɛ vanapɔnɔ le-a, mà hun luei nda o cɛi mandaa n'vanlaandoo nin o kobi lebol lemasaa Suse nin, mà kɛsi nda Heke va cɛi mandaa n'vanlaandoo hɔlten-ndo o ba bɛngu. Mì ndu va nda ɲɛm cɔɔlu vana naŋɔɔ-on yɔngoo.

Ɛstɛr 2:5

Nduyɛ, langbanɔɔ pum va Suse o kobi lebol lemasaa nin, Yuifinɔɔ o va ni, diolan Mardosee. Po Yair-o o va ni, Simei po Kis-o ndóò velu Yair kon ni, fulaa o polale Bɛnyamɛn-nden nin.