Ɛstɛr 1:19 - BII BILA

¹⁹ Lelan, te masaa cɛl pɛ, o yii tɔŋ vana nɔla faŋa loo, mò sɛvan o sɛbɛ tɔŋ Pɛrsea a Mɛdea nin, maa Vasti bɛnda lɛ le hunɔɔ masaa Sɛrsɛs o hɔl te, mì nɔm masaa dimi vɛlɛ ndi vakpa maa vanalanɔ celen muungu o fonda Vasti-o, o co fisa a ndu Vasti-o.

Ɛstɛr 1:19 Referans Kwoze

Ɛstɛr 8:8

Niaa pila sɛva dɛnɛ kɛndɛ vana tosal Yuifia, mà hini kɔl-lo. La sɛva sɛbɔɔ o diola nilan, mì la handu pondale kelɛi nii lecoo. Kani sɛbɔɔ sɛvan pɛ o diola masaa, mì pondale ndɔlen le handun lecoo, sɔɛi ken melnun lɛŋ te.»

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

Ɛstɛr 8:5

Mó dimi aa: «Te masaa cɛl pɛ, mò ce ya ɲia, te o cɛl pɛ sɔɛi ya co ndu dimul-le, te o va pɛ aa dɛnɛ nuu hɛnan ndu, mɛɛ sɛbɛlan la sɛvan, mò tɛɛmbuu sɔɔn va o sɛbɛla Haman, po Hammedata fula kon o polale Akak len nin-ndo ndóò sɛva le Yuifia va o kobila leboltan nin-nda kpow diwvo lan.

Daniɛl 6:17

O kon, mí masaa yɔngu diomndo, má hun a Daniɛl, má viaw ndu o soon yàlàá nin. Mó dimul Daniɛl aa: «Màá Hala nɔm n co baalaa tosallo lɔ́ɔ́-lɔ́ɔ̀-o ciindiaa nɔm!»

Ɛstɛr 3:9

Lelan taa cɛl pɛ, tɔŋndo handun le nda diwvo. Ya Haman, i tuunin volin latámán kilolan vaalan kɛmɛ leyáá (300 000), mì yɔngu vanaa co baalaa o masale nɔmnden nin-nda mun le vowvo o kesu lemasaa nin.»

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Ɛstɛr 1:21

Mí sɔɛi ken hɛnan masaa a simlacia. Mó tosa mɛɛ Memukan dimi yɛ.

Ɛstɛr 1:18

Hau-hau, te laandaa simlacia Pɛrsea a Mɛdea tuei pɛ ɲɛ lanɔɔ masa bɛndoo tosa hoo-o, nda bɛɛ tosanin ɲɛ pilɛ kon a piaandaa ndaa co simlacia co nɔm o ba bɛngu-a, a pɛɛsa yɛ pɛ nda lende, piaandaa ndaa tuulu kɔltan.

Ɛstɛr 2:1

Dɛnnda lan hiovɔɔ, mí masaa Sɛrsɛs ɲulul kɔl, mó yiyan a dɛnɛ Vasti ndóò tosa-o, a mɛɛ sɔɛi ndíì kelun le ndu yɛ.