Ɛstɛr 1:1 - BII BILA

¹ O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.

Ɛstɛr 1:1 Referans Kwoze

Daniɛl 9:1

«O vɔsi tase Darius, po Sɛrsɛs fula Medii-o sul masaa o lɛŋnde Babilɔn-nden coo-o,

Ɛstɛr 8:9

Paale len, paangii yàándɔɛi va malɔ bidiin a leyàá, má veelu vanaa sɛvaa masaa, má sɛval Yuifia, vanaa lebolla, masaa n'bungaa a simlacia va o tàndàla bidiinnda lan nin-nda, kandɔɔ Ɛnde, kɔlan tiiya háá Etiopii, tàndàla lan la va kɛmɛ bidiin a laŋɔmmɛw. Lende Mardosee ndóò dimi le tosaa ni. Má sɛwviaa sɛbɛlan, kobi oo kobi a sɛva ndɔ a o sɔɛi mangalɛi vannda ndáà dimi lon-nde nin, má sɛval vɛlɛ Yuifia o sɛva ndaa a o sɔɛi ndɛi mangalɛi nin.

Daniɛl 6:1

Mí Darius Mɛdenɔ cua fonda lemasaa. Ndóò nɔ vɔsilan belaŋɔmpum a latiɔn o telen kon.

Ɛstɛr 9:30

Má piɔw sɛbɛla lan le Yuifia va o kobila kɛmɛ bidiin a laŋɔmmɛwla va o masale Sɛrsɛs len nin-ndan nin. Sɔɔn kɔlɲulon a sɔɔn loaa o lediom coo-on n va n'sɛvaa o sɛbɛla lan nin ni.

Ɛsdras 4:6

O masale Sɛrsɛs len kandɔɔ, mí yaamɔaa kan sɛval ndu Sɛrsɛs sɛbɔɔ le vanaa va o tàndá Yuda-o nin-nda a vanaa va Yerusalɛm ciee-a lɔlɔɔ.

Esai 37:9

Kani nuaa masaa Asiri ndóò tuei yoongoo ni aa Tirhaka masaa Etiopii co ndu Sennakerib hinullo a cɔwvo. O kon, mí Sennakerib vim Esekia kiilaa, má kɔ dimul ndu aa:

Esai 18:1

«Dɛnɛ palaa co le lɛŋnde ɲaa labɔɔa hiw kuiyo nin-nden, o peela bɛndulan Etiopii leeloo pɛɛn!

Ɛstɛr 2:3

Lelan, masaa bɛnda mò hɛli vanaa dɛnɛ sinaa, mà kɔɛ o kobila lebolta co o masale ndɔlen nin-ndan kpow nin, mà kɔ hɛli cuaambɔa laandua kɛndɛ-kɛndɛa sina vɔ dɛnɛ vanapɔnɔ le-a, mà hun luei nda o cɛi mandaa n'vanlaandoo nin o kobi lebol lemasaa Suse nin, mà kɛsi nda Heke va cɛi mandaa n'vanlaandoo hɔlten-ndo o ba bɛngu. Mì ndu va nda ɲɛm cɔɔlu vana naŋɔɔ-on yɔngoo.

Ɛstɛr 10:1

Mí masaa Sɛrsɛs baŋ vanaa va o lɛŋnden nin-nda a vanaa va o mɛmma ihɛllan tɛɛn-nda le muloo malɔɔ.

Daniɛl 11:2

Nihau, i co nɔm toɲaa cɔm: Tofa vɔ! Masaa nda yáá cannin vɛlɛ mà tosa masalen o lɛŋnde Pɛrse len coo. O hiɔɔlundɔɔ sɔlanin bolofaa mò hiow a yáá-aa kan kpow. Lɔ́ɔ́ o sɔlanin yoomuan taw a bolofaa ndɔɔ-o, o nuwviaanin nɛilan le masaa Yavan cɔlɔbaa.