Esai 7:3 - BII BILA

³ Le hee, mí Mɛlɛka dimul Esai aa: «Nɔm niaa Sɛar-Yasub po nɔm, la kɔ masaa Ahas diomɔɔ o tɛyii dala co a lecoo-e mɛɛlulan, o nɛi kɔɛ a ciɛi vana siɛɛnduaa lavolɔɔ-e-o coo.

Esai 7:3 Referans Kwoze

Esai 36:2

Masaa Asiri lo Lakis mó viam bolle vanaa yɔngù ndu masaa mɔiyan-nda Yerusalɛm o masaa Esekia lo a vanaa cɔwva taw-taw. Mí bolle vanaa yɔngù ndu masaa mɔiyan-nda kɔ sim o tɛyii dala co a maluaŋ-ndo, o nɛi kɔɛ o ciɛi vana siɛɛndua lavolɔɔ-e-o coo.

2Masaa 18:17

Masaa Asiri lo Lakis, mó viam simlacinɔ tase vanaa ndɔa cɔwva, bolle vanaa bɛndua va ndu o ba bɛngu-a a bolle vanaa yɔngù masaa mɔiyan-nda o Esekia lo Yerusalɛm. Mí vanaa kan kɔa a vanaa cɔwva taw kɔɔli. Ndáà tiiyaa, má kɔ sim o soon mamɛn co a ba luaŋ-ndo-o, o nɛi kɔɛ a ba yondo vanaa tɔaa lavolɔɔa-o.

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Yeremi 22:1

Diom Mɛlɛka dimul Yeremi-o co hoo ni aa: «Kɔ o cɛi lemasaa Yuda nin, mà kɔ dimi sɔɔn mun ndon.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Esai 10:21

Vanaa tɔ̀a muungunin, vanaa tɔ̀a fula o polale Yakɔb len nin-nda pɛɛn, a muungunin Hala latɔ́ɔ́-tɔ́ɔ́ o ibuŋ.

2Masaa 20:20

Dɛnnda tɔ̀la Esekia lan kpow, cɔwla o tosa lan kpow, a mɛɛ ndóò cɔw vɛlɛ dala mamɛnndo, mó toaw soondo le mɛnndan yɔɔ o kobio Yerusalɛm nin yɛ, kon co o sɛvaa o sɛbɛ Dɛnnda lemasalan Yuda nin.

Fulaa 7:15

Lelan, pena lakɔ púŋ o ndu lo, telen o vanin kɔlan o pee bɛndoo Nil-lo. A kɔɛ pɛ, a kɔ sim ndu o hɔl o kɔngɔ pee bɛndu kon coo. A va pɛ kɔlan, a kɔɛ a tinda mangalan kɛwvo-o o ba.

Nehemi 3:16

Ndu cɔnɔnndo, mí Nehemi po Asbuk-o, ó va masaa le tàndá tálá Bɛt-Sur-o va baalaa cɔnɔnndo o sɛila David lan keiyo o dala mandaa mamɛn ndáà cɔw-vo, kɔlan tiiyaa háá o cɛi kuubaa cɔwva.

2Masaa 16:1

O vɔsi Peka po Remalia-o suili vɔsilan tɔ́ a laŋɔmmɛw o masalen coo Israɛl-lo, mí Ahas po Yotam-ndo siŋnun masaa Yuda.

Esai 22:10

Mí la cɔm cɛilan Yerusalɛm, mí la pesi lan le kpaki kanda kobi niaa-o cɔɔloo cɔvɔɔ ɲɛkɛndɛi.

Esai 22:11

Mɛɛ niaa cii, mí la toosiaa fonda mandaa mamɛnndo o kpakila tiɔnndan tɛɛn le mɛmma dala paanduan. Kɛ la co vana yeema mí dɛnnda lan la tosan-ndo tofa le, la co vana toosiaa dɛnnda lan lɔ́ɔ́ levil-lo cɔ le.