Esai 2:3 - BII BILA

³ Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Esai 2:3 Referans Kwoze

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Condii lisai 110:2

Mɛlɛka tondunin masale nɔmnden cɔnɔnndo Siɔn, a tosanin masalen yaamɔaa nɔmaa balu nɔm-nda coo.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Yeremi 31:6

Paale hunnin vɛlɛ mì kpalilla yonda o pembun co o tàndá Efraim-ndo nin-ndon coo aa: ‹La cɔn mì n helnun Siɔn o Mɛlɛka Hala naa lo.›

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Nsaŋ 4:22

Ɲɛ niaa sina loo niaa co biiloo ni, naa naa yɛ, ɲɛ naa n sina-o naa n co biiloo ni. Kani Hala Yuifia o ba cindaa fula ni.

Tɔŋ miingua 33:19

A lonin o pembii ndɛi coo ma yoongu vanaa-mangalaa-isɔɔa lon. A diinin cɔlua, mà soli sálàla dɛnɛ sandaalan ndon. A sɔɔsiaanin tɔnɔ fula o mɛmma ihɛllan nin-ndo, ma de bolofaa co o vianaa o sióónndon nin-ndo.»

Condii lisai 48:1

Condei. Condii poaa Kore-a.

Condii lisai 119:171

Màá cɔcɔn nun lisa nɔm, kani a co ya hɛnan nɔmndo pɛɛkoo!

Condii lisai 122:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. I dɔwnun ɲaale a vanaa co ya dimullo aa: «N kɔnnun o Cɛi-Hala-o nin-nda.»

Esai 28:9

Nduyɛ a co dimio aa: «Nɛ̀ɛ́-nɛ̀ o yeema yɛ le kɔlkaloo pɛɛkoo? Nɛ̀ɛ́ o yeema yɛ le silalan yɔngoo? Mò va maa cɛlɛkpɛa nda hiwnun sɛnɛi labɛngu-a baa? Mò va maa cɛlɛkpɛa langa mal mɛɛlen-nda ni?

Esai 56:5

i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Esai 60:3

Vanaa-mangalaa-isɔɔa kɔanin ɲɛ-tengaa nɔmndo kɔɔli, mì masaa kɔɛ pangele ɲɛ-tengaa paale siaa nɔmndo kɔɔli.

Esai 65:11

Kɛ niaa kɛɛ (ya) Mɛlɛka-a, niaa co pembii nii diandɛi pɔɛɛnɔnndo-a, niaa co (piɔmndo) Kad bàndóó tengullo-a, niaa co taala kólaa peiyo le piɔmndo Meni-a,

Esai 66:20

O kon kɔɔli, a muungunin a puapilɛa niaa co o lɛŋnden nin vanaa-mangalaa-isɔɔa tɛɛn-nda nanu o soa coo, o ɲɛla ɲaanannda soa nan-ndan coo, o kutukutula nɔ kuulen lecoo lan coo, o milɛɛa coo a o ɲɔɔmɛɛa coo, mà heelu nda o pembii nii diandɛi coo Yerusalɛm. Mɛlɛka soo lende ni. A hunnin a nda maa mɛɛ cuavaa Israɛlla a hun a kpeyan sálà ndaa, o bonyii diandɛi nin o Cɛi-Mɛlɛka-o nin yɛ.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Esekiɛl 40:2

O vunduma ya va cɔu-van nin, mí cannun mí Mɛlɛka kɔa a ya o lɛŋnde Israɛl-ten nin, mó kɔ kɛsi ya o pembii vilɛi-vilɛiye coo, mí ca tangultan lapum a ba too lon maa cɛila vaa o kobi nin.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Ɛstɛr 9:27

Yuifia siinguu palɛi ŋiŋii ken palɛi naamui vana nɔla faŋa le-i ni le nda pila, le cuavaa ndaa imamaa a le vana-vana handun nda coo. Vɔsi oo vɔsi, dɛnnda lan láà bɛnda le tosanndo o telen kelun-ndo mɛɛ o va o sɛvaa yɛ.

Condii lisai 102:23

telen vannda a masɛi kpede cuungiannin-ndo, telen nda cuungiannin le ndu biiloo-o pɛɛn.

Esai 1:26

I minginin vanaa kialaa n'yamaa niaa o vali ndaa nin mɛɛ nda va paandu yɛ. I minginin vanaa silaa niaa o vali ndaa nin mɛɛ ndáà va o kandɔɔ yɛ. O kon kɔɔli niko, a veelunin kobi niaa aa kobi dɛnɛ sandaa, kobi lo o lediom coo-o.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Esai 19:23

O palɛi ken nin, nɛi bɛndoo cannin Esipte mo kɔ tiiya háá Asiri dí, Asiriia kɔanin o lɛŋnde Esipte len nin, Esiptea bɛɛ kɔanin o lɛŋnde Asiri len nin. Esiptea nda Asiriia a tosalnin (Mɛlɛka) baalaa latulu.

Esai 44:5

Vanndo pum diminin aa: «I co le Mɛlɛka!» Mì o pilɔɔ dimi aa: «O polale Yakɔb len nin o fula ni.» O celen sɛvannin o ba aa: «O Mɛlɛka-o!» Mò de diola Israɛl-tan tɔnɔ.»

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.