Esai 1:8 - BII BILA

⁸ Vannda Siɔn a ló yoomu mɛɛ pangaa lò isisi o nakɔ n'rɛsɛnndo nin nuaa yɛ. A lo yoomu mɛɛ kùùo lò o ciɛi n'heenguue nin yɛ, mɛɛ kobi nda co cumullo-o lò nuaa yɛ.

Esai 1:8 Referans Kwoze

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Nsaŋ 12:15

«Siòòŋii bii niaa le, niaa vannda Siɔn, la tofa vɔ masa niaa hunɔɔ, o co icali o sofɛlɛ téndóó coo.»

Sakari 2:10

Sei! Sei! Sei! La ɲaanun! La ɲaanun mì la faŋan o lɛŋnde maluaŋ-nden nin! Ya Mɛlɛka dimi lende ni. Kani yáà sɛŋi niaa o kpengun hiɔɔlun ceendo ni. Mɛlɛka dimi lende ni.

Esai 62:11

La tuei-yɔ Mɛlɛka, o co sɔɛi he yondaa háá nɛɛ lɛŋnden le mɛɛlu-a aa: «La dimul vannda Siɔn aa ‹La tofa vɔ vana ciindiaa niaa hunɔɔ. Salaa co ndu o ba, vɔ̀ngɔ̀ ndɔɔ co ndu laci.

Esai 10:32

O paale pilɛle len nin, a simnin Nɔb ma vueinun vanaa co o pembei Siɔn coo-a a laba, vanaa co icali o pembei Yerusalɛm coo-a pɛɛn.

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Cɛɛŋɔnnda Yeremi lan 2:1

«Éé vannda! La ce dɛnɛ nɛ? Maalii cii kobio Yerusalɛm kumbɔɔ a yumbuyumbu kɔl ndɔ tuwvo. O lo o halataala, mó viaw biilu Israɛlla o lɛŋnden coo. Tuma o tambu kɔllo a Israɛlla-o, mó pɔɛɛn maa ɲɛ ndɔ kɛsiaa n'peloo nda co ni.

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Esai 4:4

Maalii co hoeyii dɛnɛ sandɛi a hoeyii dindiannde hɔŋ, mò tɔɔ vanlaandua Siɔn le ɲɛm nɔɔlɛin co nda tɛɛn-ndon, mò dindi Yerusalɛmnda le kooma vanaa nda diw-va.

Condii lisai 9:14

Éé Mɛlɛka! Tofa vɔ mɔnɛi yaamɔɔa co ya lueiyo-e, Tuinun ya iɲíí, ma faŋa ya o dio piɔ́mndo sondoo.

SƐBƐ YƆB-O 27:18

Cɛi vana kon tangullo nɔ mayoomu le, vana ca ko aa kùùle kpalilnɔ cumulaa nakɔɔ ni.

Yeremi 4:17

A balu Yerusalɛm pindo mɛɛ vannda balu bungɛi cumullo yɛ. Kani o simul-l›. Sɔɛi fula Mɛlɛka o sondo-e co ken ni.

Esai 8:8

Ma luɛinin o tàndá Yuda-o nin, ma hunnin taw-taw mì ma sɛŋin nɛɛ-nɛɛ ka. Ma helnin mì ma bii nda háá o bololan, tindima ndɔma vanin fasaŋanndo-an ma kumbunin lɛŋnde nɔmnden kpow, nɔm Emmanuɛl!»

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Esai 49:21

O kon, nɔm pila ɲunannin o kɔl nin aa: «Nɛ̀ɛ́ vilul lɛ ya cuawva ha nɛ? Kani i vannun ya pilɛ kpé, yáà nɔ n'cuaw le, bɔlɔkɛɔ daama ya vannun ni. O lekáá ya vannun ni, i va o kɛyaa few-few, mì nɛ̀ɛ́ manda yɛ niko cuawva ha? Yaa lonnun ya pilɛ doolɛ, kuɛɛ nɛ haa va yɛ?»

Yeremi 6:2

Tofa vɔ, i tɛɛmbuunin Yerusalɛm, kobi naŋ kon hɔlla-o, ndu cua salama kon pɛɛn.

Esai 29:3

I tiilanin niaa ba-ba fee. I lueinin niaa o píŋndo nin a kundala cɔwla nilan, i baŋnin kungala saasalan le niaa biyɔɔ.

Esai 30:17

Vanndo ndu pilɛ kpé vueinunnin niaa ni, mì vannda vàá pilɛ o niaa tɛɛn ɲaanun ndu. Vannda nda ŋuɛɛnu vueinunnin niaa, mì la ɲaanun kpow háá mi la lo ɲɛ-pɔmbɔɔ doolɛ maa yɔm landaa lɛfɛ co o pembei tullo-o, maa lɛfɛ-landaa lo o pembei coo-o.

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!