Esai 1:4 - BII BILA

⁴ Lelan, dɛnɛ palaa co le niaa vanaa tosaa lahakia, dɛnɛ palaa co le niaa vanaa pɛ a hakilan-nda, le niaa vanaa kɔlvesɛiya, le niaa cuavaa laasiannda. Kani la faŋan Mɛlɛka o ibuŋ, la pɛɛsa O-Diandaa Israɛlla, la mulul ndu kɔɔ mí la muungun a makɔɔ.

Esai 1:4 Referans Kwoze

Esai 5:24

Lelan, maa mɛɛ yinnden le loam tɛwvo yɛ, mɛɛ yinnde biyaalen le loam bil vesɛiyo yɛ, lende koni puundun ndan vanin maa ɲɛ siovɛi ni, lende koni yandɔɔ ndaa saŋnunnin maa cundu ni. Kani a kɛɛ tɔŋ Mɛlɛka-Nɔ-Kpaayaa-Kpow-vo, a pɛɛsa sɔɛi O-Diandaa Israɛlla.»

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Esai 5:19

Nda co dimio ni aa: ‹Màá Hala keleŋa nin vali ndɔɔ tosa, maa o tosa ndu cɔ́-cɔ́ haliko mi n ce vɔ nin vali ndɔ kon a lehɔl! Mbɔ̀ dɛnɛ Hala Diandaa Israɛlla tuu hoo le tosaa-o tosan-ndɔ nin mì n sina vɔ!›

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

1Korɛntea 10:22

Vɛ̀ɛ̀ n yeema mì n kpeeŋiaa paŋala Mɛlɛka-o? Vɛ̀ɛ̀ naa hiow ndu kpaayaa ni?

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Esekiɛl 16:33

Kani vanlaandua co suunda leyulaa-a kpede, sala ndaa vana yɔngu nda ni. Kɛ nɔm, nɔm pila yɔngu sámáá nɔmnda kpede ɲɔɔn ni, má piandu nda a ɲɛm nɔmndon, haliko ma fula nɛɛ-nɛɛ ka, mà hin o nɔm ndo le suundaa a nɔm.

Yeremi 51:5

Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Yeremi 2:33

«La caa bɔɔ nɛiyo nuwviaa le kɔlan kela suundɛiyo. La dɛli nin a keiyo o nɛi dɛnɛ vɔɔndo coo.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Esai 65:3

Vannda ha co ya tiŋɔɔ a ya kɔllo tuuloo tuŋ-tuŋ, a co sálàlan solio o nakɔlan nin, a co lasikɔlɔ ansan lomɔɔ o kpilikion coo.

Esai 41:20

haliko ma mɛɛndan, ma ce ma sina, ma bii bila maa ba Mɛlɛka-o tosa dɛnnda lan ni, maa O-Diandaa Israɛlla co vana tosa lan-ndo ni.»

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Esai 30:15

Kani nuaa Maalii, O co Mɛlɛka-o, O co O-Diandaa Israɛlla-o soo ni aa: «O calle yili nin a o pɛngio nin cinda niaa vanin ni, o meiyo nin a o ya tiindanndo nin yoomuma niaan ma vanin ni, kɛ la cɛl le tosaa lende le!»

Esai 30:9

Kani vanaa nila kalua nda co ni, cuavaa lacòòvaa nda co ni, cuavaa yeema le nilan yaŋɔɔ o tɔŋ Mɛlɛka-o le-a.

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Esai 14:20

Nɔm sɔlanin fonda o sɛiyo nin nda ikɛi le, kani nɔm pila cii lɛŋnde nɔmnden tɛɛmbuu, a cii vanaa nɔmnda diw. Vana tui lɛnin isɔɔ a polale vanaa kɔlvesɛiya o kɔɔ le few.

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Condii lisai 89:18

Kani nɔm co biilu ndaa a kpaayaa ndaa ni. N co hiovɔɔ laci a yoomuan sɔlaa o kɛndɛi nɔmnde bɛngu.

Condii lisai 78:40

Telennda bɔɔ-bɔɔ, a va Hala simullo o lɛŋnde veselɛilen nin, má va ndu tiŋɔɔ o fondala vesɛilan.

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Condii lisai 58:3

Kafalan niaa co tosaa ni. Mɛɛ hɛnan niaa co yɛ niaa co tosaa ni. Dɛnnda kɔlvesɛilan niaa co tiwvo o lɛŋnden coo ni.

Masaa kialaa n'yamaa 10:10

Mí Israɛlla koŋul o Mɛlɛka lo, má dimi aa: «N cua hakio a nɔm, kani n mulul nɔm Mɛlɛka Hala naa kɔɔ, le Baalla sooloo.»

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Tɔŋ miingua 29:25

Kpema kon nda mal ni má kɔa halaa celennda sooloo a vulan baŋɔɔ nda o labɛngunin, halaa ndaa sina paandu le-a, a Mɛlɛka kuuna nda sooloo-a.

Kundalan 32:14

Sisa vɛlɛ, niaa vanaa kɔlvesɛiya ha, la yeema mì la tosa maa fuɲaa niaa kan, la yeema vɛlɛ mì la tuisi kɔltuw Mɛlɛka-o Israɛlla coo.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

Dɛnnda cɔɔmuanndan 18:5

Kani hakila ndɔlan la dengelan háá o halataala, mì Hala yiyan a dɛnɛ sandaa ndɔ lepɛŋndo.

Esai 12:6

La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»

Nehemi 1:7

n pilan nɔm tana, n bii silala nɔmndan te few, tɔŋndan a sɔɔn n sɛval Moise vana nɔm baalaa sindɛ-on pɛɛn.

Condii lisai 71:22

Ya vɛlɛ bɛɛ, i lisanin nɔm a bangaa le tùú n lo o lediom coo-o. Hala nuu, i lisanin nɔm a bondomaa, nɔm O-Diandaa Israɛlla.

Esai 1:28

Kɛ vanaa nila kalua a vanaa lahakia dɔawnunnin yɛɛvɛ. Vanaa kɛɛnin Mɛlɛka-a cuunin itambu kpede.

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Esai 31:2

Ndu bɛɛ vana kɔlkaloo o co ni, o tuisinin dɛnɛ palaa, ndu pila faŋanin sɔɔn o dimi-on lecoo le, o cannin isisi a cɛi vanaa kɔlvesɛiya le nda cɔlɔbaa, o cɔlɔbanin tiindan vanaa co yɔŋ vɔɔndo tosaa-a.

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

Esai 58:2

A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.

Esai 65:11

Kɛ niaa kɛɛ (ya) Mɛlɛka-a, niaa co pembii nii diandɛi pɔɛɛnɔnndo-a, niaa co (piɔmndo) Kad bàndóó tengullo-a, niaa co taala kólaa peiyo le piɔmndo Meni-a,

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.

Esekiɛl 16:45

Cua kala nɔmndo n co ni, kala nɔm sɔɛi pɔnɔ ndɔ-e a cuavaa ndɔa nɛinun kon-ndo. Ɲɛ pilɔɔ niaa co niaa puapilɛa nɔmaa laandua ni, à sɔɛi piaandaa ndaa a hɔ́aa ndaa nɛinun kan-nda. Hitiinɔɔ kala niaa va ni, fuɲa niaa ndu Amoriinɔɔ o va ni.

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Tɔŋ miingua 32:5

Hali vanndacieea nda laasian bɛɛ nuaa, ndu Hala, o nɔ dɛnɛ vɔɔn te few! Le laasian nda laasian-ndo, à co lɛ cuavaa ndɔ le. À cuu lɔngɔlian má tambu labɛɛ!

2Masaa 21:22

Mó mulul Mɛlɛka, Hala fuɲaa ndɔa mamaa kɔɔ. O kela o nɛi ndɔɔ coo le few.

2Dɛnnda lemasalan 12:1

Lɔ́ɔ́ Roboam sim yili o masale ndɔlen nin, mó sɔla yoomuan-ndo, mó mulul tɔŋ Mɛlɛka-o kɔɔ, mí Israɛlla kpow bɛɛ a del ndu kɔɔli.

2Dɛnnda lemasalan 27:2

Mó tosa ɲɛ bɛnda Mɛlɛka o hɔl-lo, mó kela mɛɛ Osias fuɲa ndɔ ndóò kela yɛ kpafii. Kɛ ndu luei o Cɛi-Hala-o nin te. Kɛ a kon kpede, vannda va a laasiannda tuŋ.

Condii lisai 78:41

A va Hala ciŋilanndo tuŋ, a va O-Diandaa Israɛlla kɔllo tɛɛmbuuo.

Condii lisai 78:57

Má muungu kelala vɔɔnndan maa fuɲaa ndaa mamaa, a lo o lediom coo a Hala le, má laasian maa kpaasiaa yoole kiolɛi.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!