Esai 1:2 - BII BILA

² «Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.

Esai 1:2 Referans Kwoze

Tɔŋ miingua 32:1

«Nɔm halataalaa, yaŋ nilan mì soo. Niaa vanaa co o lɛŋnden coo-a, la yaŋ nilan o sɔɔn co ya fula o sondo-on.

Tɔŋ miingua 30:19

I cua hau halataalaa a lɛŋnden seilen le sɔɛi he. I kɛsi yoomoo a piɔ́mndo niaa laci, i kɛsi vɛlɛ duaa a dangaa niaa laci. Lelan, la cua yoomoo haliko mi la va yoomu, niaa a cuavaa niaa.

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Tɔŋ miingua 4:26

i cua hau halataala a lɛŋnden seilen, la tamalanin le cuvɔɔ o lɛŋnde niaa co Yurdɛn taŋɔɔ le len hiɔlɔɔ len nin te. Yoomu niaa bendunin o lɛŋnde len nin te, kani la co cuvɔɔ itambu kpow.

Condii lisai 50:4

Hala yoongu halataalaa coocoo a lɛŋnden, le yaman vanaa ndɔa kiolɔɔ.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Misee 3:8

Kɛ ya ya, i co o piaa cá a yoomuan, yoomuma fula Kɔl Hala-o o ba-an. I nɔ dío a yoomuan le cuavaa Yakɔb dɛnɛ vɔɔn ndaa cɔmndo, a le Israɛlla haki ndaa cɔɔmullo.»

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Esekiɛl 36:4

lelan niaa pembon Israɛl, la yaŋ-ndɔ nilan o sɔɛi Maalii Hala dimi-e! A toɲa, Maalii, o co Mɛlɛka-o soo pembun bɛndon, mó soaa pembun pɔmbɔn, kpolonndan, bóltan, bémbéla piɔlɛilan a kobila vannda piow nin-ndan, kobila vanaa-mangalaa-isɔaa balu lon-nda mal pungaa nin má mam lan-ndan pɛɛn.

Yeremi 22:29

Lɛŋnde nilen, niaa vanaa co o lɛŋnde nilen nin-nda, la tuei-yɔ ɲɛ Mɛlɛka dimi-o.

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Esai 65:2

Mí niinu vanaa iseesiaa ha bala nilan tɛilullo kpɛŋ, a co haa kelaa o nɛi vɔɔndo coo o yiyannda ndalan nin-nda pɛɛn.

Esai 30:9

Kani vanaa nila kalua nda co ni, cuavaa lacòòvaa nda co ni, cuavaa yeema le nilan yaŋɔɔ o tɔŋ Mɛlɛka-o le-a.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Yeremi 13:15

La mɛi-yɔ, mì la yaŋ nilan, la kindi nilan te, kani Mɛlɛka co sɔɛi o niaa lo ni.

Tɔŋ miingua 1:31

lende koni i yɔŋnun o lɛŋnde veselɛilen nin ni. Lon niaa sina ni maa Mɛlɛka Hala niaa landu hɔlla niaa coo mɛɛ fuɲaa landu hɔlla po ndɔɔ coo nuaa yɛ. Nɛɛ-nɛɛ niaa kei, lende o lo niaa hɔlla landɔɔ coo ni háá mi la hun tiiya nanu.›

Dɛnnda kiilaa 4:20

Naa naa, n kɛɛnin ɲɛ naa n tuei mí n ca-o dimi le.»

Condii lisai 49:1

Condii poaa Kore-a, í fula o condun simlacinɔ vanaa n'condua nin-nde.

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Esai 34:1

Niaa vanaa-mangalaa-isɔɔa, la sɔɔnguu macɛlu mì la tuei! Niaa vannda súúla yɛ́-yɛ́lan, la yaŋ nilan! Lɛŋnden a ɲɛ-ɲɛ pɛ lecoo, ceendo a ɲɛm co vulɔɔ lecoo-on kpow bɛnda ma yaŋ nilan!

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Esekiɛl 24:3

Lelan dimul vanaa nila kalua ha taloo aa: Nuaa Maalii, o co Mɛlɛka-o dimi ni aa: «Bɛɛndiaa kpɛɛnɛi, bɛɛndiaa ndi ma vow mɛnndan lenin.

2Masaa 21:22

Mó mulul Mɛlɛka, Hala fuɲaa ndɔa mamaa kɔɔ. O kela o nɛi ndɔɔ coo le few.

Misee 1:1

Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.