Esai 1:1 - BII BILA

¹ Vundule Esai, po Amɔt-o ce o dɛnɛ tàndá Yuda-o coo a o kobio Yerusalɛm coo len. Dɛnnda lan la cɔmnun ndu o palɛi masaa Osias, masaa Yotam, masaa Ahas a masaa Esekia a va masalen tosaa o tàndá Yuda-o coo-e nin.

Esai 1:1 Referans Kwoze

2Dɛnnda lemasalan 26:1

Osias ndóò nɔ vɔsilan tɔ́ a laŋɔmpum, mí vannda Yuda kpow a hɛli ndu, má suilu ndu masaa o fonda Amasia fuɲa ndɔ-o.

2Masaa 18:1

O vɔsi Osee po Ela-o suili vɔsilan layàá o masalen coo Israɛl-lo, mí Esekia po Ahas-o siŋnun masaa Yuda.

Esai 7:1

O telen Ahas, po Yotam-ndo, po imama Osias-o va masalen tosaa o tàndá Yuda-o coo-o, mí Resin va masaa Aram-ndo hel Yerusalɛm nda Peka po Remalia va masalen tosaa Israɛl-lo, le kɔlan kobio delɔɔ coo a cɔwvo. Kɛ a tiwba le Yerusalɛm tiilaa le.

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Esai 2:1

Sɔɛi dimulun Esai po Amɔt-o le tàndá Yuda-o a le kobio Yerusalɛm o kɔɔ-e yɔŋnun hee ni:

Condii lisai 89:19

Kani vana nɔ naa hɔlten coo-o co nɔm o ba bɛngu. Nɔm o ba bɛngu masa naa co ni, nɔm O-Diandaa Israɛlla pɛɛn.

Kundalan 24:16

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya sina dɛnɛ sinaa Ó-Hiow-Ɲɔɔn-Kpow-vo ni! Ya ca vundule Vana-Kpaayaa-Kpow len-ndo co sɔɛi nuaa ni. Ya del lɛŋ mì ca sɔɔn viannanndon ni.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

2Masaa 15:32

O vɔsi diinndɔɔ nin o masale Peka po Remalia-o len bɛngu o lɛŋnde Israɛl-ten coo, mí Yotam po Osias-o siŋnun masaa Yuda.

2Masaa 15:7

Mí Asaria diam fuɲaa ndɔa ciee-piɔ́m, má kumbu ndu o sɛi fuɲaa ndɔa nin, o Kobi David-o nin. O kon, mí Yotam po ndɔ koma sul masaa o fonda ndɔɔ.

2Masaa 15:1

Vɔsi Yeroboam suili vɔsilan bidiin a laŋɔmmɛw o masalen coo Israɛl-lo, mí Asaria po Amasia-o siŋnun masaa Yuda.

Dɛnnda kiilaa 26:19

O kon mí Pol hiaw laci a sɔɛi, mó dimi aa: «Nuaa ni masaa Akripa, i kɛɛ vundule komal-la fulaa o halataala len diom tueyɔɔ le.

Dɛnnda kiilaa 10:17

Piɛr lo kɔllo keeliaa o kɔlɔ vundule o ce len-nden coo, mí vanaa Kɔrnɛil vem-nda va vannda ɲuuniaa le sinaa nɛɛ cɛi Simɔn-ndo va-a, má hun sim o bɛɔ sondoo.

Matie 17:9

Tuma nda va pembei tolɔɔ-o, mí Yeesu sila nda aa: «Háá mi Po vanacieo tendul fulaa vanvílɛ́iya tɛɛn, La dímul vana-vana a vundule niaa ce len-nden o kɔɔ le.»

Habakuk 2:2

Mì Mɛlɛka mulul-la aa: «Sɛva o ya co nɔm cɔmndo-o, sɛva ndu o pɛngɔn coo le mɛɛ vana tiwba ndu dimio vakpa yɛ.

Nahum 1:1

Yamɛi kilulun Ninive-e. Vundule Nahum fula Ɛlkɔs-o ce len.

Misee 1:1

Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.

Osee 1:1

Sɔɛi Mɛlɛka dimul Osee po Beeri-o-e yɔŋnun hee ni. O telen kon Osias, Yotam, Ahas a Esekia kei masalen tosaa o tàndá Yuda-o coo ni. Mí Yeroboam po Yoas-o ndu va masalen tosaa Israɛl.

Kundalan 24:4

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

2Masaa 15:13

Mí Salum po Yabɛs-o siŋnun masaa Israɛl o vɔsi Osias suili vɔsilan beleyaa a laŋɔmahiɔɔlu o masalen coo Yuda-o nin. Mó tosa masalen Samari paangei ndii pilɛ.

2Masaa 19:2

Mó viam Eliakim, simlacinɔ cɛi lemasaa, Sɛbna vana sɛvaa a kaasoŋaa kɔlkalua o vanaa-solia-lasálàá tɛɛn o Esai vana-tɛɛngaa-diom Hala-o lo, po Amɔt-o pɛɛn. Vanaa kan bɛɛ volɔɔla biisilan la va nda lekɔɔ.

2Dɛnnda lemasalan 26:22

Vana sɛva sɔɔn tɔ̀un Osias-on-ndo, kandɔɔ háá o mɛɛlulan, ndu yɔŋnun vana-tɛɛngaa-diom Hala-o Esai, po Amɔt-o ni.

2Dɛnnda lemasalan 27:1

Yotam ndóò nɔ vɔsilan bidiin a laŋuɛɛnu, mó siŋnun masaa. Mó tosa masalen Yerusalɛm ciee vɔsilan tɔ́ a laŋɔmpum. Yerusia kala ndɔ ndóò nɔ diolan ni, cua Sadɔk-o.

2Dɛnnda lemasalan 28:1

Ahas ndóò nɔ vɔsilan bidiin, mó siŋnun masaa. Mó tosa masalen Yerusalɛm vɔsilan tɔ́ a laŋɔmpum. O kela kela kɛndɛ Mɛlɛka Hala ndɔɔ o hɔl maa David fuɲa ndɔ mama le.

2Dɛnnda lemasalan 29:33

Má soli vɛlɛ nawva kɛmɛ leŋɔmpum sálà, má soli saa a cuinnda vàálan tan yáá (3 000) sálà.

Esai 20:2

mí Mɛlɛka soaa o telen pilɛ kon bɛngu, o Esai po Amɔt-o lo, mó dimul ndu aa: «Kɔ ma kɔ soli volɔɔla nɔɔlɛila n yiinun o caŋ-ndan, mà solin samtalan o n'pelu!» Mi Esai vana-tɛɛngaa-diom Hala-o tosa mɛɛ Mɛlɛka dimul ndu yɛ, mó kela kɔɔle fondo a pelun fondo.

Esai 37:2

Mó viam Eliakim, ó va bolle cɛi masaa-o, Sɛbna va vana sɛvaa-o a kaasoŋaa kɔlkalua o vanaa-solia-lasálàá tɛɛn a volɔɔla yuululan lekɔɔ o vana-tɛɛngaa-diom Hala-o, Esai, po Amɔt-o lo.

Esai 38:1

O palɛi ken nin, mí Esekia del a nàá taw-taw, mó can piɔ́mndo. Mí vana-tɛɛngaa-diom Hala-o Esai, po Amɔt-o hun o ndu lo, mó dimul ndu aa: «Mɛlɛka dimi aa nɔm congun yungu nɔmndo mà cɔm nda ɲɛ nda bɛnda mà tosa-o, kani piɔ́m nɔmndo tiiya, a co cinda a naa ho le!»

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.