Efɛsea 6:9 - BII BILA

⁹ Niaa vanaa nɔ cɛa o ba-a yɛ, la bii nda mɛɛ o bɛnda yɛ. La vueinun nda le, kani mɛɛ mì la sina maa niaa-ou, nda-ou, vana bɛndoo ndu pilɛ kpé niaa co o ba ni, o co o halataala-o pɛɛn. Ndu ndu, o tosa hiyan vanndacieea tɛɛn te.

Efɛsea 6:9 Referans Kwoze

Kolɔsea 3:25

Kani vana tosa pɛ dɛnndan o sandii lepɛŋnde nin, ndu koawnin mɛɛ dɛnɛ ndɔ sandaa lepɛŋndo co yɛ, kani Hala hiyan vannda le.

Dɛnnda kiilaa 10:34

O kon mí Piɛr cua sɔɛi, mó dimi aa: «I sina nihau lekɛ́ndɛi maa Hala hiyan vanndacieea le,

Rɔmnda 2:11

Kani Hala hiyan vannda le.

Luke 6:31

O niaa yeema mì vannda tosal niaa-o, niaa bɛɛ la tosal nda lende.

Matie 7:12

Ɲɛ-ɲɛ niaa yeema pɛ mì caanda tosal niaa, mɛɛ niaa bɛɛ la tosal nda lende, kani lende tɔŋndo a vanaa-tɛɛngaa-diom Hala-a dimi ni.»

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Nsaki 2:8

Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Nsaŋ 13:13

La co ya veeloo aa: ‹Vana bɛndoo›, ‹Maalii›, la nɔ dí mì la veelu ya lende, kani ndu ya co ni.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

1Korɛntea 7:22

Kani vana sɔla pɛ veeloo Mɛlɛka o ba telen o co cɛɔ-vo, o sɔla hɔ́ɔ́yɛi Mɛlɛka o ba. Lende vɛlɛ koni, vana vannun pɛ o hɔ́ɔ́yɛi nin telen o sɔla veeloo-o, mɛɛ cɛ Krista-o o co ni.

Matie 24:51

O pesinin ndu, mò tosal ndu mɛɛ vana tosal vanaa muuluannda yɛ. Mò yɛɛ ndu nɛɛ caŋndan a ciŋndon sɔmndo vanin ni.»

Matie 24:48

Kɛ te o va pɛ vana baala vɔɔndo, o co dimi aa: ‹Vana ni bɛndoo yalanin hunɔɔ le›.

Matie 22:10

Mí buɛyaa ndɔa piɔl o nɛilan coo, má mɔɔsiaa vanaa nda komal lon-nda kpede, a vɔɔnda a à kɛndɛa. O kon mí cɛi kafoo va tosanndo nin-ndo pia cá a vanáà hin-nda.

Matie 22:8

O kon mó dimul buɛyaa ndɔa aa: ‹Ɲɛdiaa kafo lanɔ sɛnɛiyo cuu toosiaa, kɛ vanaa yáà yoongu-a ndáà bɛnda le veelu sɔla le.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 3:6

Vana-vana tundun mò sooluu piɔm kon te, a co vana kon viovɔɔ fɔ́ɔ́fɔ̀ o tóndó bɛndu leyinndo nin.»

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Vana Kɔlkaloo 5:8

Le vanndacieea kpow tɔnɔ lelɛŋndo co ni. Masaa bɛɛ, yondoo tɔnɔ ndɔɔ fula ni.

Condii lisai 140:12

Màá vanaa hɛɛnduu caanda sɔɔn vɔɔnndon coo-a cuu o lɛŋnden coo, mì dɛnɛ palaa tol vanaa yɔŋ vɔɔnda coo!

Nehemi 5:5

Nduyɛ, falun pilɔn naa n nɔ naa puapilɛa naa ni. Ɲɛ pilɔɔ cuavaa naa a cuavaa ndaa co ni. Kɛ nduyɛ n co poaa naa a cuavaa naa laandua malɔɔ o cɛlen nin, cuavaa naa laandua pum co nin lenin, n nɔ lɛ mɛ̀ɛ́-mɛ̀ɛ́ tosaa le. Le caanda ciɛɔn nan a nakɔla naala n'rɛsɛnndan la co nin ni.›

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

Tɔŋ lasálàá 19:13

La sáángiàà caaŋaa niaa le tɔnɔɔ sɔlaa o sanga nda kon nin te, la púú ɲɛ vana a sondo yeelaa le, la mándan sala vana baalaa bɛnda le sɔlaa hau-vo o ba háá siɔdii le.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

Kolɔsea 4:1

Niaa vanaa bɛndua, la bii cɛa niaa o dɛnɛ sandaa a o kpen-kpenndo nin. La sínà pɛɛngu maa niaa bɛɛ la nɔ vana bɛndoo o halataala.