Efɛsea 6:6 - BII BILA

⁶ La tósa vallo nda o hɔl telen nda nɔ niaa hɔlten coo-o daama le nda hɛnanndo le, kɛ la tosa hɛnan Hala-o a kɔlta niaalan kpow maa cɛa Krista-a.

Efɛsea 6:6 Referans Kwoze

1Tesalonikea 2:4

Kɛ mɛɛ hɛnan Hala-o co yɛ naa n co sɔɛi lɔ́ɔ́-lɔ́ɔ̀ ni. Kani o handu naa kɔllo coo, mó yɔngu naa Yoongu kɛndɔɔ le niaa tiiyallo. O co hɛnan n'vanndaciee le naa n co nuwviaa le, kɛ hɛnan Hala sínà yiyannda kɔlta naalan-ndo.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Matie 7:21

«O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

1Nsaŋ 2:17

Ceendo co hiovɔɔ a yeeman ndɔn, kɛ vana tosa pɛ hɛnan Hala-o, ndu co va yoomu le fɛɛn a fɛɛn.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

1Piɛr 2:15

Kani hɛnan Hala-o co ni, mì la tosa dɛnɛ kɛndɔɔ le diɔmaa co haa sɔɔn vɔɔnndon dimio a niaa o kɔɔ-a sondolan kindaa.

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

1Tesalonikea 4:3

Ɲɛ Hala yeema-o co ni mì la va vanaa diandaa, mì la mal dɛnnda suundɛilan,

Marke 3:35

Vana-vana tosa pɛ hɛnan Hala-o, ndu co puapilɛ nuu, yema nuu a kala nuu ni.»

1Korɛntea 7:22

Kani vana sɔla pɛ veeloo Mɛlɛka o ba telen o co cɛɔ-vo, o sɔla hɔ́ɔ́yɛi Mɛlɛka o ba. Lende vɛlɛ koni, vana vannun pɛ o hɔ́ɔ́yɛi nin telen o sɔla veeloo-o, mɛɛ cɛ Krista-o o co ni.