Efɛsea 6:5 - BII BILA

⁵ Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.

Efɛsea 6:5 Referans Kwoze

Efɛsea 5:22

Niaa vanlaandua, la tuisin a piaandaa niaa maa mɛɛ niaa tuisin a Maalii yɛ.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

1Piɛr 3:2

telen nda canin kela niaa diandaa a kela niaa lebɛɛo-o.

Filemɔn 1:16

O co lɛ maa cɛ daama le, kɛ hiovɔɔ o kon coo, maa puapilɛ vana kaola taw-vo o co nin ni. I kaola ndu taw, nduyɛ, i laalan maa nɔm kaolanin ndu vɛlɛ hiovɔɔ o ya coo, a kaolanin ndu o vanacieeyɛi nin, mà kaola ndu vɛlɛ maa puapilɛ nɔmndo o Maalii nin.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Condii lisai 86:11

Éé Mɛlɛka! Pɛɛku ya nɛila nɔmndan, mì kela o toɲa nɔmndo coo. Ke ya kɔllo ndu pilɛ kpé, haliko mi vo diola nɔmndan.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

1Korɛntea 7:22

Kani vana sɔla pɛ veeloo Mɛlɛka o ba telen o co cɛɔ-vo, o sɔla hɔ́ɔ́yɛi Mɛlɛka o ba. Lende vɛlɛ koni, vana vannun pɛ o hɔ́ɔ́yɛi nin telen o sɔla veeloo-o, mɛɛ cɛ Krista-o o co ni.

Matie 8:9

Kani ya co hoo-o, vanaa co ya bollen-nda co. I nɔ vanaa cɔwva ya o ba bɛngu. O ya dimul pɛ aa ‹Kɔ›, ndu kɔɛ, i dimul pɛ o celen aa ‹Hun›, ndu hin. I vem pɛ vana ni baalaa le ikɛ́-kɛ̀ tosaa, o tosa.»

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

O Kandɔɔ 16:9

Mí mɛlɛkanɔ Hala-o dimul ndu aa: «Muungu vana nɔm bɛndoo o ibuŋ, mà kɔ tuisin ndu o labɛngunin.»

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

Condii lisai 123:2

Mɛɛ buɛyaa piaandua tofa vana nɔ nda baa coo-o nuaa yɛ, mɛɛ a laandua tofa vanalanɔ nɔ nda baa coo-o nuaa tuŋ yɛ, lende koni, n co Mɛlɛka Hala naa tofaa ni háá, mò tuinun naa iɲíí, mò mala naa.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

2Korɛntea 7:15

Te o yiyan pɛ mɛɛ niaa kpow bii sɔɔn yɛ a mɛɛ niaa biilu ndu a siòònde a á ɲiiyaa yɛ, kaola o nɔ o kɔl le niaa-o cɔɔlun taw.

1Korɛntea 2:3

Lelan, i va niaa ikɛi a dialun vílɛ́iyon, a siòònde mí va ɲiiya taw.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Matie 6:22

«Hɔltan la co lamboo le diallon ni. Te hɔlta nɔmndan la co pɛ lakɛndɛ, dialun nɔmndon kpow n tenga,

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,