Efɛsea 6:4 - BII BILA

⁴ Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

Efɛsea 6:4 Referans Kwoze

Kolɔsea 3:21

Niaa fuɲaa, la túúlù cuavaa niaa kɔltan te, yɔŋii nda fula mayoomu.

Talelan 22:6

Pɛɛku cuaambɔɔ nɛi o bɛnda mò kela coo-o, o kon hali o hun yuuva bɛɛ, o fáŋàn lecoo le.

Talelan 29:15

Sionnde silaalen a kanalanndan la yɔngù hɔ́ɔ̀ kɔlkaloo ni. Kɛ hɔ́ɔ́ co o malnanndo a ba ndɔ-o tuisì kala ndɔ siɛmbulan ni.

Talelan 19:18

Míngí po nɔmndo o nɛi lɔ́ɔ́ telenndo hiw-vɔ loo, kɛ hiw kɔllo tuulu ma yeema piɔ́m ndɔɔ le.

Tɔŋ miingua 6:7

La pɛɛku cuavaa niaa lan, mì la luei nda lan o lebol. La dɔw baltan lecoo telen niaa vanin o laniaa lo cɛinin-ndo, telen niaa vanin kɔlan kelaa o nɛi-yo, telen niaa vanin kɔlan hinilan-ndo a telen niaa cannin-ndo.

Talelan 29:17

Bandìla hɔ́ɔ́ nɔmndo le ndu silaa, o kon ma hun va nila ɲulu, mò nɛŋi nɔm kɔl.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

2Timote 1:5

I co loonɔnndo a laalan kpeekpei n nɔ-o o kɔɔ, laalan Lois mama nɔm ndóò nɔ sindɛ-o, laalan kon pɛɛn, ó va vɛlɛ Enise kala nɔm nin-ndo. Nduyɛ, i nɔ kɔlkɛsiaa maa laalan pilɛ kon koni co vɛlɛ nɔm nin nuaa ni.

Talelan 22:15

Diɔmnde co iyiinánndé cuaambɔɔ o kɔl, sionnde silaalen le kialu ndi ndu kɔɔli ni.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

Esai 38:19

Kɛ fɔ vana co yoomu-o, a toɲa, fɔ vana co yoomu-o lisa nɔm ni, maa mɛɛ ya co nɔm lisaa hau nuaa yɛ. Fuɲaa pɛɛkunin cuavaa ndɔa mɛɛ nɔm Maalii co vana lo o lediom coo-o yɛ.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

Efɛsea 6:3

«Haliko ma sɔla dɛnɛ kɛndɔɔ, mà viow si o lɛŋnden coo.»

Masaa kialaa n'yamaa 13:12

Mí Manoa dimul ndu vɛlɛ aa: «Lɔ́ɔ́ sɔɔn nɔmndon peelunnin-ndo, ɔ́ɔ̀ nɛila naa n bɛnda mì n kela coo le po kalaa mandaa lan? Yɛɛ nɛ naa n bɛnda yɛ mi n hun tosa le ndu?»